12 İyul 2019

Cari ilin ilk altı ayında İcbari Tibbi Sığorta üzrə Dövlət Agentliyinə 1536 vətəndaş müraciəti daxil olmuşdur

Müraciətlərin 658-i ərizə, şikayət və təklif xarakterli olmaqla məktubla, 878-i telefon vasitəsilə edilib. Müraciətlər əsasən icbari tibbi sığortanın pilot layihə olaraq həyata keçirildiyi Mingəçevir şəhəri, Yevlax və Ağdaş rayonlarının sakinləri tərəfindən edilmişdir.

Agentlik tərəfindən hər bir müraciətə qanunvericiliklə müəyyən edilmiş qaydada və müddətdə baxılması təmin edilmişdir.

Hesabat dövrü ərzində daxil olmuş müraciətlərin 19,3 %-i (296) həll edilmiş, 75,6%-nə (1162) müvafiq izahat verilmiş, 3,5%-i (53) icrada olmuş, 0,6%-i (9) əsassız sayılmış, 0,7%-i (11) baxılmamış saxlanılmış, 0,3%-i (5) baxılması üçün aidiyyəti üzrə göndərilmişdir.

Müraciətlər aşağıdakı mövzularda olmuşdur:

Müraciətin qısa məzmunu

Müraciətlərin sayı

Müayinə və müalicə

369

Əlillik məsələləri

189

Cərrahi əməliyyatlar

187

İTS-nin tətbiqi və sığortahaqlarının ödənişi

145

Əmək münasibətləri

140

Tibbi sərf, vaksin və dərman təminatı

113

Göndərişlərin verilməsi

108

Tibbi xidmətlərlə bağlı ödənişlər

67

Süni mayalanma

19

Digər

199

Cəmi

1536

Agentliyin rəhbərliyi və vəzifəli şəxsləri tərəfindən qəbul edilən vətəndaşların sayı 135 olub. Onlardan 15,6%-i (21) həll edilmiş, 83,7%-nə (113) müvafiq izahat verilmiş, 0,7%-i (1)-i əsassız hesab edilmişdir. Qəbullarda qaldırılan məsələlər əsasən tibbi sərfin qarşılanması, əlillik dərəcəsinin təyin edilməsi, işlə təmin olunma, müayinə, müalicə, cərrahiyə əməliyyatı və dərman təminatı ilə əlaqədar olmuşdur. Qeyd edək ki, 45 vətəndaş pilot layihənin həyata keçirildiyi ərazilərdə səyyar qaydada qəbul edilmişdir.