01 Mart 2022 09:39

Agentliyin İdarə Heyətinin sədri Şirvanda vətəndaşları qəbul edəcək

Mərkəzi icra hakimiyyəti orqanlarının və digər idarəetmə qurumlarının rəhbərləri tərəfindən 2022-ci ilin mart ayında şəhər və rayonlarda keçiriləcək vətəndaşların qəbulu cədvəlinə uyğun olaraq İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev 14 mart 2022-ci il tarixində saat 10:00-dan başlayaraq Şirvan Müalicə Diaqnostika Mərkəzində (Ünvan: Şirvan şəhəri, M.Rəsulzadə küçəsi 99, 4-cü mərtəbə, konfrans zalında) Şirvan şəhər və Hacıqabul rayon sakinlərini qəbul edəcəkdir.

Qəbula gəlmək istəyən vətəndaşlar 01-13 mart 2022-ci il tarixlərində şəxsiyyəti təsdiq edən sənədlə birgə Şirvan şəhər Mərkəzi Xəstəxanası publik hüquqi şəxsin Poliklinika şöbəsinə (26 nömrəli otaq), Hacıqabul rayon Mərkəzi Xəstəxanası publik hüquqi şəxsin qeydiyyat bölməsinə müraciət etməklə, eləcə də İcbari Tibbi Sığorta üzrə Dövlət Agentliyinin (+994 12) 310 07 70 (daxili 21-11) əlaqə nömrəsinə zəng etməklə və ya Agentliyin info@its.gov.az elektron poçt ünvanına yazmaqla qeydiyyatdan keçə bilərlər.

Qəbula gəlmək istəyən vətəndaşlardan Agentliyin səlahiyyətlərinə aid olan məsələlərlə bağlı müraciət etmələri və şəxsiyyəti təsdiq edən sənədlə birgə gəlmələri xahiş olunur. Müraciətini yazılı təqdim etmək istəyən vətəndaşların diqqətinə çatdırırıq ki, müraciətin mətni oxunaqlı olmalı, müraciətdə edilən təklif və ya tələb aydın ifadə edilməlidir.