18 Dekabr 2019 11:43
TƏBİB-in İdarə Heyətinin sədri Dünya Bankının nümayəndələri ilə görüşüb
Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Dünya Bankının səhiyyə üzrə baş mütəxəssisləri Federika Secci və Elvira Anadolu ilə görüşüb. Görüşdə Dünya Bankı ilə səhiyyə sahəsində mümkün əməkdaşlıq imkanları müzakirə edilib.
Ramin Bayramlı TƏBİB-in yaranmasının məqsədi, vəzifə və fəaliyyət istiqamətləri barədə qonaqlara məlumat verib. O bildirib ki, qurumun tabeliyinə verilmiş dövlət tibb müəssisələrində göstərilən tibbi xidmətlərin keyfiyyətinin artırılması və standartlaşdırılması məqsədilə İşçi Qruplar yaradılıb: “İşçi Qruplar tərəfindən 2020-ci ilin yanvar ayının ilk iş həftəsindən başlayaraq mart ayının sonuna kimi tibb müəssisələrində monitorinqlərin keçirilməsi planlaşdırılıb. Monitorinqlərin nəticələri əsasında tibb müəssisələrində mövcud olan çatışmazlıqların aradan qaldırılması istiqamətində işlərin görülməsi nəzərdə tutulub”.
R.Bayramlı qeyd edib ki, respublikada tibbi kadr potensialının artırılması istiqamətində görüləcək işlər TƏBİB-in qarşısında duran əsas prioritet vəzifələrdən biridir. Başlıca məqsəd bu sahədə tədbirləri sürətləndirməklə 3 il ərzində ölkədə tibbi kadr çatışmazlığı problemini aradan qaldırmaqdır.
Dünya Bankının əməkdaşları F.Secci və E.Anadolu Dünya Bankının son dövrlərdə Azərbaycan, Türkiyə və Gürcüstan ilə həyata keçirdiyi birgə layihələr barədə məlumat verib və TƏBİB-lə əməkdaşlıq edəcəklərindən məmnun olduqlarını bildiriblər. Görüşün davamında vətəndaşların ilkin səhiyyə xidmətlərinə əlçatanlığı, pasiyentin anamnestik məlumatlarının qeydiyyatı və saxlanılması, genetik xəritənin müəyyən edilməsi, onlayn xəritə sistemi mövzularında qonaqların sualları cavablandırılıb.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17