29 Noyabr 2019 10:30
Vətəndaş cəmiyyəti tərəfindən icbari tibbi sığorta ilə bağlı maarifləndirmə tədbirləri keçirilib
Qeyri-hökumət təşkilatları (QHT) tərəfindən 2019-cu ilin avqust ayından başlayaraq ölkənin müxtəlif bölgələrində icbari tibbi sığorta sistemi haqqında həyata keçirilən maarifləndirmə tədbirləri başa çatıb. Maarifləndirmə tədbirləri İcbari Tibbi Sığorta üzrə Dövlət Agentliyinin (Agentlik) təşəbbüsü və Azərbaycan Respublikasının Prezidenti yanında Qeyri-Hökumət Təşkilatlarına (QHT) Dövlət Dəstəyi Şurasının maliyyə dəstəyi ilə təşkil olunub.
Tədbirlər ümumilikdə 19 rayon və şəhər olmaqla - Bakı, Sumqayıt və Şirvan şəhərlərində, Şəmkir, Lənkəran, Lerik, Masallı, Şamaxı, İsmayıllı, Sabirabad, Zaqatala, Xaçmaz, Qax, Balakən, Ağdam, Ucar, Göyçay, Astara və Cəlilabad rayonlarında keçirilib.
Habelə Qax rayonunun Əlibəyli, Şıxlar, İlisu kəndləri, Balakən rayonunun Tülü, Qaravəlli, Katex kəndləri, Ağdam rayonunun Quzanlı, Dördyol-1, Yüz evlər, Yeni İmamqulubəyli-1 qəsəbələri, o cümlədən rayonun Əhmədağalı, Çıraqlı kəndlərinin sakinlərinə icbari tibbi sığorta sistemi haqqında məlumat verilib.
Müxtəlif formatlı tədbirlərdə (təlim, seminar, məlumatlandırıcı sessiya, dəyirmi masa, ictimai müzakirələr, teledebatlar) iştirak edən rayon və kənd sakinləri, azsaylı xalqların nümayəndələri, məcburi köçkünlər, fərdi sahibkarlar, yerli QHT-lərin və icmaların nümayəndələri, tibb işçiləri və azadlığa buraxılmağa hazırlaşan məhkumlar icbari tibbi sığortanın məqsədi və əhaliyə verəcəyi faydalar, xidmətlər zərfi, icbari tibbi sığorta haqqı və s. barədə məlumatlandırılıblar.
Tədbirlərin sonunda iştirakçıların sualları cavablandırılıb, onlara maarifləndirici buklet paylanılıb. QHT-lərin keçirdikləri görüşlər və tədbirlər yerli mediada geniş işıqlandırılıb.
Qeyd edək ki, “İcbari tibbi sığorta barədə ictimai məlumatlılığın artırılmasına dair təşəbbüslər” mövzusu QHT-lərə Dövlət Dəstəyi Şurasının qrant müsabiqəsinə ilk dəfə olaraq cari ildə daxil edilib. Layihələrin qiymətləndirilməsi nəticələrinə görə 8 qeyri-hökumət təşkilatı qalib olub. “Pediatrik Kardiologiya və Revmatologiya”, “Yoluxucu Xəstəliklərlə Mübarizə”, “Hərbi Cərrahlar”, “Vətəndaş Maarifləndirilməsi”, “Azad İqtisadiyyatın İnkişafına Yardım Mərkəzi”, “Türkdilli Dövlətlərin İqtisadçıları”, “Sağlamlığa Xidmət” və “Gənclərin Sosial İnkişafına Dəstək” İctimai Birlikləri əhalinin icbari tibbi sığorta haqqında məlumatlılığının artırılmasında fəal iştirak ediblər.
Agentlik qalib gələn QHT-lərin icbari tibbi sığorta sistemi barədə məlumatlandırılması, əhaliyə ötürüləcək informasiyaların doğruluğunun təmin edilməsi, layihələrin effektivliyinin artırılması, beləliklə də uğurlu nəticələrin əldə olunması məqsədilə təşkilat və layihə rəhbərləri ilə görüş keçirib.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17