Yerləşdirilmə tarixi: 17.06.2022
Son müraciət tarixi: 17.07.2022
Agentlik İnformasiya sistemlərinin dəstəklənməsi şöbəsinə vakansiya elan edir
İcbari Tibbi Sığorta üzrə Dövlət Agentliyi İT Xidmətlərinin dəstəklənməsi departamentinin İnformasiya sistemlərinin dəstəklənməsi şöbəsinə mütəxəssis vəzifəsi üzrə vakansiya elan edir.
İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.
Biz nə təklif edirik:
Gənc və peşəkar kollektivdə çalışmaq imkanı;
Yüksək komanda ruhunda əməkdaşlıq və zəngin təcrübənin qazanılması;
Karyera inkişafı imkanları;
Rəqabətədavamlı əmək haqqı.
Bizim üçün uyğun namizəd:
Ali təhsilli;
Xəstəxana idarəetmə sistemlərinin istifadəsi ilə bağlı praktiki təcrübə olması;
Microsoft Windows əməliyyat sistemləri üzrə istifadəçi səviyyəsində biliklər olması;
Ofis proqramları üzrə yaxşı səviyyədə işləmə bacarığına malik olması;
Problemləri həll etmə, nəticəyönümlülük bacarığına malik olması;
Respublika üzrə bütün regionlara il ərzində mütəmadi ezamiyyələrə getmək imkanın olması;
ESD, JİRA sistemləri ilə iş təcrübəsinə malik olması arzu olunandır.
Görəcəyiniz işlər:
İcrasında olan sorğuları həll etmək, mümkün olmadıqda həlli istiqamətində müvafiq icraçıya yönləndirmək;
Sorğunun icrası ilə bağlı yekun nəticə əldə olunması və sorğunun bağlanması üçün sorğunu koordinasiyalı şəkildə təqib etmək;
Tibb müəssisələrində proqram təminatı istifadəçiləri və ya müəssisə tərəfindən təyin olunmuş məsul şəxslərlə mütəmadi olaraq əlaqədə olmaq, mövcud problemlərin həlli istiqamətində dəstək göstərmək;
Tibb müəssisələrində proqram təminatı istifadəçiləri və ya müəssisə tərəfindən təyin olunmuş məsul şəxslərin bilik və bacarıqlarının artırılması üçün təlimlər təşkil etmək, ehtiyac yarandığı təqdirdə proqram təminatının istifadəsinə dair video və digər elektron formalarda təlimatlar hazırlamaq;
Proqram təminatlarında baş verən yeniliklərlə bağlı mütəmadi olaraq təlimlərdə iştirak etmək;
Daxil olan rəsmi məktubları cavablandırmaq.
Əlavə məlumatlar:
İş qrafiki: Bazar ertəsi - Cümə, 5 günlük iş həftəsi;
İş vaxtı: 09:00 – 18:00.
Müraciət qaydası:
Vakansiyaya son müraciət tarixi: 17.07.2022-ci il;
CV-lər cv@its.gov.az ünvanına göndərilməlidir [1] ;
Müraciət etdiyiniz vəzifənin adı “mövzu” bölməsində qeyd edilməldir;
Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.
[1] Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.
Vakansiyalar
Agentlik Layihələrin idarəolunması şöbəsinə vakansiya elan edir
11 Mart 2024 15:19
Agentlik Təchizat və satınalma şöbəsinə mütəxəssis vakansiyasını elan edir
11 Mart 2024 15:18
Agentlik Təchizat və satınalma şöbəsinə məsləhətçisi vakansiyası elan edir
11 Mart 2024 15:16
Agentlik Səhiyyə iqtisadiyyatı şöbəsinə vakansiya elan edir
05 Mart 2024 17:30
Agentlik Təsərrüfat və texniki xidmət şöbəsinə vakansiya elan edir
29 Fevral 2024 10:00
Agentlik İctimaiyyətlə əlaqələr şöbəsinə vakansiya elan edir
28 Fevral 2024 17:55
Agentlik qrafik dizayner vakansiyası elan edir
28 Fevral 2024 17:54
Agentlik Özəl tibb müəssisələrinin ekspertizası şöbəsinə vakansiya elan edir
26 Fevral 2024 12:40
Agentlik İnsan resursları mütəxəssisi (biznes səfərlərin təşkili üzrə) vakansiyasını elan edir
11 Fevral 2024 14:41
Agentlik Statistika və hesabatlar şöbəsinə vakansiya elan edilir
25 Yanvar 2024 15:04