13 Dekabr 2019 11:37
Klinik diaqnostik laboratoriyalarda çalışan tibb heyəti üçün keçirilən təlimlər yekunlaşıb
İcbari tibbi sığorta çərçivəsində fəaliyyət göstərəcək dövlət tibb müəssisələrində laboratoriyaların standartlaşdırılması məqsədilə İcbari Tibbi Sığorta üzrə Dövlət Agentliyi (Agentlik) tərəfindən həyata keçirilən layihə çərçivəsində bir sıra tibb müəssisələrinin laboratoriyalarında çalışan həkim və orta tibb işçiləri üçün təşkil olunan təlim başa çatıb. Məlumat üçün bildirək ki, layihənin işçi qrupuna Agentliyin və “Azərbaycan Klinik Laboratoriya Mütəxəssisləri İctimai Birliyi”nin nümayəndələri daxildirlər.
Təlimdə Bakı, Sumqayıt, Gəncə, Mingəçevir, Şirvan, Şəki və Lənkəran şəhərlərinin, o cümlədən Şamaxı, Göyçay, Quba, Cəlilabad və Ağcabədi rayonlarının tibb heyəti iştirak edib. Bir ay ərzində davam edən təlimə sözügedən rayonlardan 25 həkim və 24 orta tibb işçisi qatılıb.
Təlimdə iştirakçılara klinik biokimya və klinik mikrobiologiyaya, habelə laborator xidmətlərin kodlaşdırılması qaydaları və laborator testlərin tibbi protokollara əsasən təyin olunma xüsusiyyətləri üzrə nəzəri biliklər aşılanıb. Tibb işçiləri ilə müasir tibbi standartların təbliği, diaqnostikada testlərin doğru seçimi və nəticələrin interpretasiyası barədə interaktiv müzakirələr aparılıb. Tibb işçilərinin klinik nümunələrin alınması, analizlərin düzgün aparılması qaydaları, tam avtomatlaşdırılmış sistemlərdə iş üzrə vərdiş və bacarıqlarını artırmaq məqsədi ilə praktik məşğələlər keçirilib. İştirakçılarının təlim proqramını necə mənimsəməsini müəyyən etmək məqsədi ilə qiymətləndirilmə aparılıb. Qiymətləndirmədə iştirak edən həkimlərin 19-u, laborantların isə 13-ü yüksək bal toplayıb. Qeyd olunmalıdır ki, həkimlər üçün keçid balı 70, orta tibb işçiləri üçün isə 50 bal olaraq təyin olunub.
Təlimin sonunda iştirakçılara sertifikatlar təqdim olunub. Bu istiqamətdə təlimlərin layihənin növbəti mərhələlərində keçirilməsi planlaşdırılır. Təlimlərə digər regionların diaqnostik laboratoriyalarında çalışan tibb heyəti dəvət ediləcək.
Xəbərlər
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00