İcbari Tibbi Sığorta üzrə Dövlət Agentliyi Analitika və risklərin idarəolunması şöbəsinin aparıcı məsləhətçisi vakansiyası elan edir.

Haqqımızda:
İcbari Tibbi Sığorta üzrə Dövlət Agentliyi (bundan sonra – Agentlik), icbari tibbi sığortanın tətbiqini təmin edən, xidmətlər zərfi çərçivəsində tibbi xidmətlərin maliyyələşdirilməsi üçün vəsaitləri idarə edən, səhiyyə xidmətlərinin alıcısı rolunu oynayan və bununla bağlı zəruri xərclərin ödənilməsini təmin edən publik hüquqi şəxsdir. Agentlik, Azərbaycan Respublikası Prezidentinin 2016-cı il 24 noyabr tarixli, 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;

• Yüksək komanda ruhu və zəngin təcrübə qazanmaq fürsəti;

• Karyera inkişafı üçün yaradılan şərait;

• Rəqabətədavamlı əmək haqqı;

• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil (iqtisadiyyat, maliyyə, biznesin təşkili, səhiyyə və idarəetmə sahələri üzrə);

• Təcrübə: Risklərin idarə edilməsi üzrə ən azı 3 illik iş təcrübəsi;

• Texniki biliklər: Microsoft Office proqramlarını yaxşı səviyyədə bilmək;

• Şəxsi bacarıqlar: Təşəbbüskarlıq, komandada işləmə, vaxtın idarə edilməsi, operativlik, ünsiyyət qurma, induktiv və analitik təhlil, konfliktlərin idarə edilməsi və problemlərin həlli bacarıqları;

• Dil bilikləri: Xarici dil biliyi (xüsusilə ingilis dili)

Vəzifə öhdəlikləri:

• Sığortanın tətbiqi zamanı bütün mərhələlərdə risklərin müəyyənləşdirilməsi, təhlili və nəzarət mexanizmlərinin tətbiqi;

• Risklərin qiymətləndirilməsi və resursların proqnozlaşdırılmasına dair hesablama modellərinin hazırlanması, hesablama və proqnozlaşdırılmaların aparılması;

• Risklərin idarəolunması (minimallaşdırılması və qarşısının alınması) ilə bağlı təkliflərin verilməsi və bu istiqamətdə həyata keçirilən tədbirlərə nəzarət;

• Əsas risk indikatorlarına dair məlumatların toplanması və analizlərin həyata keçirilməsi;

• Biznes proseslərin qiymətləndirilməsi, risklərin optimallaşdırılması məqsədilə monitorinqlərin həyata keçirilməsi və təkliflərin verilməsi;

• Mövcud risklər üzrə risk matrix və xəritələrinin hazırlanması, davamlı nəzarət prosesinin həyata keçirilməsi;

• Risk reyestrinin hazırlanması, qiymətləndirilməsi və cavab tədbirlərinin müəyyənləşdirilməsi;

• Xidmətlər zərfinin ölkənin sosial-iqtisadi, demoqrafik göstəriciləri və maliyyə resursları nəzərə alınaraq tarif və xidmət istiqamətli yenilənməsi təkliflərinin verilməsi;

• Yarımillik risk hesabatlarının hazırlanması.

İş şəraiti:

• İş qrafiki: Həftə içi 5 günlük iş rejimi (Bazar ertəsi – Cümə);

• İş yeri: Bakı şəhəri, Begoc Biznes Mərkəzi;

Seçim mərhələləri:

• Müraciətlərin nəzərdən keçirilməsi

• Praktiki tapşırıq/test mərhələsi

• Müsahibə

• Vakansiyaya son müraciət tarixi: 30 yanvar 2025.