06 Fevral 2019 15:22
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev vətəndaşları qəbul edib
İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev qəbul qrafikinə uyğun olaraq 2019-cu ilin fevralın 6-da vətəndaşları qəbul edib.
Qəbul zamanı vətəndaşların sualları əsasən icbari tibbi sığortanın tətbiqi, müayinə-müalicə və s. məsələlərlə bağlı olub. Vətəndaşların müraciətləri diqqətlə dinlənilib, müraciətlərin araşdırılması və qanunvericiliyə uyğun baxılması məqsədilə Agentliyin aidiyyəti struktur bölmələrinin rəhbərlərinə müvafiq tapşırıqlar verilib.
Qeyd edək ki, vətəndaşların rahatlığını təmin etmək məqsədi ilə cari ildə Agentliyin rəsmi internet saytında vətəndaşların qəbulu cədvəli yerləşdirilmiş, qəbula yazılmaq üçün elektron poçt ünvanları qeyd edilmiş və xüsusi elektron bölmə yaradılmışdır.
Ölkə Prezidenti cənab İlham Əliyevin vətəndaşların müraciətlərinə qayğı və həssaslıqla yanaşılması barədə tapşırıqlarına uyğun olaraq Agentlik tərəfindən vətəndaşların icbari tibbi sığortanın tətbiq edildiyi pilot ərazilərdə (Mingəçevir şəhəri, Yevlax və Ağdaş rayonları) qəbuluna xüsusi diqqət yetirilir. Belə ki, 2018-ci il ərzində ümumilikdə 231 vətəndaş qəbul edilmişdir ki, onlardan 141 nəfəri pilot ərazilərdə İdarə Heyətinin sədri tərəfindən səyyar qaydada qəbul edilmişdir. Səyyar qəbullar pilot ərazilərdə həyata keçirilən işlərin mövcud vəziyyətinin yerində öyrənilməsi, müsbət nəticələr, vətəndaş məmnunluğunun əldə edilməsi və problemlərin həlli yollarının müəyyən olunması üçün əhəmiyyətli rol oynamışdır. Qeyd edək ki, 2018-ci il ərzində keçirilmiş qəbullarda vətəndaşlar tərəfindən qaldırılan məsələlərin 46%-i öz müsbət həllini tapmışdır.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17