10 June 2024 16:07
İcbari tibbi sığorta ilə babasilin müalicəsi 6 metodla qarşılanır
2022-2024-cü il (ilk 4 ay) tarixlərində icbari tibbi sığorta ilə hemorroidal düyünlərin cərrahi və minimal invaziv yolla müalicəsi məqsədi ilə 12 420 əməliyyat və tibbi prosedur icra olunub. Xəstəliyin müalicəsi ilə bağlı göstərilən tibbi xidmətlərin 97%-i hemorroidal düyünlərin kəsilərək götürülməsi yolu ilə göstərilib.
Babasilə şübhə olduqda xəstənin kliniki müayinəsi aparılır. Xəstəliyin diaqnostikası üçün həkim tərəfindən rektoskopiya, siqmoidoskopiya və kolonoskopiya kimi instrumental müayinələr təyin oluna bilər. Bu müayinələr icbari tibbi sığorta hesabına qarşılanır.
Düyünlərin ölçüsü və digər xüsusiyyətlərdən asılı olaraq xəstəliyin müalicəsində fərqli üsullar tətbiq edilə bilər. Xəstəliyin ilkin mərhələlərində konservativ (dərmanlarla) və minimal invaziv müalicə üsulları tətbiq edilir. Lakin ağırlaşmış hallarda bu xəstəliyin cərrahi müdaxiləsiz sağalma şansı aşağı düşür. İcbari tibbi sığorta çərçivəsində babasilin aşağıda qeyd olunan cərrahi və minimal invaziv üsulla müalicəsi təminata alınıb:
- Klassik hemorroidektomiya – babasilin ən geniş yayılmış cərrahi müalicə metodudur. Ümumi anesteziya altında aparılan əməliyyat zamanı babasil düyünləri kəsilib xaric edilir.
Xəstəliyin qeyri-cərrahi yolla müalicə üsulları isə bunlardır:
- Liqaturanın qoyulması – bu metod düyünlərin xüsusi rezin həlqə ilə sıxılması ilə aparılır. Daha az travmatik olan bu prosedur ağrısız, kəsiksiz və qansız aparılır.
- Krioterapiya – babasil düyünlərin toxumaları maye azotun köməyi ilə dondurulur və düyün bir müddət keçdikdən sonra qopur.
- Skleroterapiya - babasil düyünlərə inyeksiya ilə sklerozlaşdırıcı maddə yeridilir. Tədricən düyün quruyub özü qopur.
- Hemorroidal düyünlərin skobalanması və kauterizasiyası –Xüsusi cihazın köməkliyi ilə daxili babasil düyünləri yandırılır. Bu metod xəstəliyin ilkin mərhələsində və hemorrodial qanaxmanı dayandırmaq üçün tətbiq edilir.
- Trombozlaşmış hemorroidal düyünlərin evakuasiyası - yerli anesteziya altında trombozlaşmış düyündə kiçik kəsik açılır və içindəki qan laxtası boşaldılır.
Xəstəliyin diaqnostikası və müalicəsi ilə bağlı yuxarıda sadalanan xidmətlər icbari tibbi sığorta hesabına TƏBİB-in tabeliyindəki dövlət tibb müəssisələrində və Səhiyyə Nazirliyinin tabeliyində olan M.A.Topçubaşov adına Elmi Cərrahiyyə Mərkəzində icra olunur.
Qeyd edək ki, babasil kimi tanınan hemorroy xəstəliyi düz bağırsağın ən çox rast gəlinən xəstəliklərindən biridir. Hemorrodial düyünlər düz bağırsağın aşağı hissəsində varikoz damarların genişlənməsi nəticəsində meydana gəlir. Babasil xəstəliyi düz bağırsaqda diskomfort və ağrı hissi ilə özünü büruzə verir. Xəstəlik həmçinin anal nahiyədə qaşınma, qanama, defekasiya zamanı ağrı, irinli və selikli ifrazatla xarakterizə olunur.
News
İcbari tibbi sığorta ilə 182 000-dən artıq doğuş aparılıb
16 July 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 July 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 July 2024 11:11
Tiroidektomiya əməliyyatı icbari tibbi sığorta ilə ödənişsizdir
05 July 2024 10:25
İcbari tibbi sığorta ilə qasıq yırtığı açıq və laparoskopik üsulla icra olunur
01 July 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 June 2024 10:51
İcbari tibbi sığorta ilə 540 splenektomiya əməliyyatı icra olunub
24 June 2024 14:52
Zaur Əliyev Goranboy şəhərində vətəndaşları qəbul edib
21 June 2024 17:00
İcbari tibbi sığorta uşaqlığın çıxarılması əməliyyatını qarşılayır
21 June 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 June 2024 14:49