26 Noyabr 2020 15:53

Tibb işçiləri üçün virtual Koronavirus Məlumat Mərkəzi istifadəyə verilib

Britaniya Tibb Jurnalı (BMJ) və Asiya İnkişaf Bankı (AİB) ilə birgə əməkdaşlığı nəticəsində tibb işçiləri üçün virtual Koronavirus Məlumat Mərkəzi yaradılmış və ödənişsiz əsasla istifadəyə verilmişdir.

Virtual Koronavirus Məlumat Mərkəzi, BMJ-nin klinik qərara dəstək üçün onlayn resursları olan BMJ Best Practice və BMJ Learning saytları vasitəsilə ən son yeniliklər, onlayn modullar, pasiyentlər üçün məlumat, broşürlər və tibbi prosedurlara dair videolara ödənişsiz çıxışı təmin edir.

Koronavirus Məlumat Mərkəzinin yaradılması zamanı Qafqaz, Orta Şərq və Cənub-Şərqi Asiya ölkələrinin həkimləri və tibb bacıları üçün tərtib olunmuş pandemiyaya hazırlıq proqramı olan BMJ-nin Klinik Qərarlara Dəstək Təlimi Təşəbbüsü təcrübəsinə istinad edilmişdir.

Koronavirus Məlumat Mərkəzi rus və ingilis dillərində fəaliyyət göstərir.

Xidmətdən istifadə qaydaları:

Koronavirus Məlumat Mərkəzinə daxil olun:

https://covid-19.bmj.com/ru/ (rus dilində) VƏ YA https://covid-19.bmj.com/ (ingilis dilində)

- BMJ resurslarından əvvəllər istifadə etmiş/BMJ-də hesabı olan tibb işçiləri Log in/Войти pəncərəsinə klikləyib email və BMJ parolu/şifrəsini daxil etməklə mövzulara ödənişsiz çıxış əldə edə bilər.
- BMJ-də hesabı olmayan tibb işçiləri Register free/Регистрация бесплатна pəncərəsinə klikləyib anketi dolduraraq, qeydiyyatdan keçib mövzulara ödənişsiz çıxış əldə edə bilər.

Koronavirus Məlumat Mərkəzinə daxil olduqdan sonra:
- Decision support/Поддержка клинических решений pəncərəsindən BMJ Best Practice-də ödənişsiz çıxışı olan mövzularla tanış ola bilərsiniz.
- Online courses/Онлайн курсы pəncərəsindən BMJ Learning-də ödənişsiz çıxışı olan onlayn kurslara daxil ola bilərsiniz.

BMJ Best practice-də ödənişsiz mövzular siyahısı:

COVID-19 haqqında məlumat

COVID-19 (etiologiya, epidemiologiya, diaqnostika və müalicə)

COVID-19 Differensial diaqnostikası

Kəskin bronxit
Atipik pnevmoniya
Xəstəxanadan kənar pnevmoniya
MERS
SARS
Mövsümü qrip

Yanaşı xəstəliklər və COVID 19-a bağlı hallar

Xronik obstruktiv ağciyər xəstəliklərinin kəskinləşməsi
Kəskin böyrək zədələnmələri
Kəskin respirator distress sindrom (KRDS)
Xroniki böyrək xəstəlikləri
Diabetik ketoasidoz
Essensial hipertenziya
Yanaşı gedən patologiyanın COVID-19 kontekstində müalicəsi
Hiperosmolyar hiperqlikemik vəziyyət
2-ci tip şəkərli diabet

BMJ Learning-də ödənişsiz mövzular siyahısı:

Fərdi mühafizə vasitələri və infeksiyaya nəzarət	İnfeksiyaya nəzarət – fərdi mühafizə vasitələri (FMV) Xüsusi təhlükəli infeksiyalarla iş zamanı FMV-dən istifadə qaydaları Həkimlər bioloji təhlükəsizlik səviyyələri haqqında nəyi bilməlidirlər?
COVID-19 və diferensial diaqnostika	COVID-19 Klinik təlimatlar: COVİD-19 ilkin səhiyyə xidmətində Qrip: mövsümü və quş qripi hadisələri
Yanaşı xəstəliklər və COVID- 19-la bağlı hallar	AXOX ağırlaşmalarının ilkin səhiyyə xidməti səviyyəsində müalicəsi Ekspertdən soruşun: xroniki ürək çatışmazlığı Konsultantdan soruşun: diabet İntensiv terapiya üzrə qısa təlimatlar (NICE)

Məlumat üçün bildiririk ki, 180 il fəaliyyət göstərən BMJ-nin əsas fəaliyyət məqsədi dəyərlərə əsaslanaraq «daha sağlam dünya» yaratmaqdır. BMJ dünyada geniş auditoriyası olan qlobal bir brend kimi səhiyyə təşkilatları və tibb işçilərinə gündəmdə olan ən mühüm səhiyyə problemlərini həll etməkdə köməklik edir.

İstifadəçilərini ən mükəmməl elmi mənbələrlə təmin etmək məqsədilə dünya 8000-dən çox tibb təşkilatı ilə əməkdaşlıq edir. Şirkət tibbi məlumatlar barəsində məlumatları istifadəçilərinə 14 dildə təqdim edir. Vacib səhiyyə problemlərinin daha yaxşı həllinə kömək etmək məqsədilə klinisistləri dəlillərə əsaslanan ən son tibbi məlumatlarla təmin edir.