13 Dekabr 2019 13:02
Tibb işçiləri üçün “Keyfiyyət standartları” mövzusunda təlim keçirilib
İcbari Tibbi Sığorta üzrə Dövlət Agentliyinin təşəbbüsü ilə ilkin mərhələdə icbari tibbi sığorta sisteminə qoşulacaq regionların tibbi heyəti üçün “Keyfiyyət standartları” mövzusunda təlim təşkil olunub.
Təlimdə Şəki şəhəri, Quba, Qusar, Xaçmaz, Şabran, Siyəzən, Şamaxı, İsmayıllı, Ağsu, Qobustan, Balakən, Zaqatala, Qax, Oğuz, Qəbələ, Göyçay, Ucar, Zərdab və Kürdəmir regionlarında fəaliyyət göstərən mərkəzi xəstəxanaların və diaqnostika mərkəzlərinin keyfiyyətə nəzarət üzrə 23 məsul əməkdaşı iştirak edib.
Təlimin keçirilməsində məqsəd iştirakçıları tibb müəssisələrində təcili yardım xidmətinin effektivliyinin təmin edilməsi, zəruri xidmətlərin vaxtında göstərilməsi, xəstəxanadaxili infeksiya risklərinin azaldılması və gigiyenik qaydalara nəzarət imkanları haqqında məlumatlandırmaq olub.
Tibb işçiləri həmçinin göstərilən tibbi xidmətlərin keyfiyyətinin artırılması, pasiyentin identifikasiyasının təmin olunması, o cümlədən qəbul və qeydiyyat proseslərinin tənzimlənməsi barədə geniş bilgilər əldə ediblər.
Təlim zamanı keyfiyyətə nəzarət üzrə ekspert Fatma Sönmeziç “Keyfiyyət standartları” mövzusunda təqdimatla çıxış edib. Ekspert təlim iştirakçılarına təcili tibbi yardım, infeksion nəzarət, məlumat təhlükəsizliyi və ilkin mərhələdə tibb müəssisələrində tətbiq olunacaq 20 keyfiyyət standartı ilə bağlı strateji hədəflər və qiymətləndirmə meyarları haqqında ətraflı məlumat verib.
Təlimin sonunda iştirakçıları maraqlandıran məsələlər ətrafında fikir mübadiləsi aparılıb, tibb işçilərinin sualları ekspert tərəfindən cavablandırılıb.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17