05 March 2024 15:55
Vətəndaşlara özəl tibb müəssisələrini elektron qaydada seçmək imkanı verilib
İcbari Tibbi Sığorta üzrə Dövlət Agentliyi (Agentlik) ilə müqaviləsi olan özəl tibb müəssisələrinə planlı müayinə və müalicə üçün göndərişlərin verilməsi prosesi vətəndaşlar üçün elektronlaşdırılıb.
3 vasitə ilə müqaviləli tibb müəssisələri arasından seçim etmək mümkündür:
İcbari tibbi sığorta hesabına dövlət tibb müəssisələrində göstərilməsi mümkün olmayan tibbi xidmətləri Agentliyin müqaviləli tibb müəssisələrində göndəriş əsasında almaq üçün “e-Tabib” mobil tətbiqi üzərindən seçim etmək mümkün olacaq.
Dövlət tibb müəssisəsi tərəfindən təqdim edilən göndəriş vərəqəsi Agentlik tərəfindən təsdiq edildikdə 24 saat ərzində bu barədə vətəndaşa SMS-lə birdəfəlik kod göndəriləcək. Mesajda göndəriş vərəqəsinin nömrəsi qeyd olunacaq. SMS-i aldıqdan sonra vətəndaş “e-Tabib” mobil tətbiqinin “Göndərişlər” bölməsindən tələb olunan tibbi xidmət üçün müraciət edə biləcəyi müqaviləli tibb müəssisələrinin siyahısı (müəssisənin adı) ilə tanış olacaq. Daha sonra vətəndaş siyahıdan seçim edib “Təsdiqlə” düyməsini sıxmalıdır. Seçimi təsdiq etdikdən sonra mobil tətbiq üzərindən xəstəxananı dəyişmək mümkün olmayacaq. Müqaviləli tibb müəssisəsi göndərişi təsdiq etdikdə mobil tətbiqdə göndərişin statusu dəyişiləcək. İmtina gəldikdə vətəndaş xəstəxanalar siyahısından təkrar seçim edə bilər.
Göndəriş təsdiqləndikdən sonra 10 iş günü müddətində müqaviləli tibb müəssisəsinə müraciət etmədikdə göndəriş ləğv olunacaq. Müqaviləli tibb müəssisəsinə yaxınlaşdıqda vətəndaş şəxsiyyət vəsiqəsini və göndərişin nömrəsini təqdim etməlidir.
Yaxud da SMS-lə birdəfəlik kod aldıqdan sonra dövlət tibb müəssisəsi tərəfindən vətəndaşa təqdim edilən göndəriş vərəqəsinin üzərindəki QR kodu oxutmaqla şəxs tələb olunan tibbi xidmət üçün müraciət edə biləcəyi müqaviləli tibb müəssisələrinin siyahısı (müəssisənin adı, ünvanı, əlaqə telefonu) ilə tanış olacaq. Bu zaman vətəndaş müraciət etmək istədiyi özəl tibb müəssisəsini müəyyənləşdirməli və tələb olunan tibbi xidmətin həmin tibb müəssisəsində göstərilməsi imkanını xəstəxana ilə əlaqə saxlayaraq əvvəlcədən dəqiqləşdirməlidir.
Digər bir vasitə isə vətəndaşın SMS-lə birdəfəlik kod aldıqdan sonra müqaviləli tibb müəssisələri (müəssisənin adı, ünvanı, əlaqə telefonu) ilə Agentliyin saytından tanış olaraq (https://its.gov.az) müraciət etmək istədiyi xəstəxananı müəyyənləşdirməsidir. Bu zaman tələb olunan tibbi xidmətin həmin tibb müəssisəsində göstərilməsi imkanını əvvəlcədən xəstəxana ilə əlaqə saxlayaraq dəqiqləşdirmək mütləqdir.
Dövlət tibb müəssisəsi tərəfindən təqdim edilən göndəriş vərəqəsi Agentlik tərəfindən təsdiq edilmədikdə imtinanın verilmə səbəbi haqqında vətəndaşa SMS bildiriş göndərilir.
Hər hansısa sual yaranarsa vətəndaş Agentliyin “1542” Çağrı mərkəzinin göndərişlərin verilməsi ilə bağlı xəttinə (1542-3) zəng vurub məlumat əldə edə bilər.
Qeyd edək ki, Agentliyin müqaviləsi olan özəl tibb müəssisələrindən bir qismi elektronlaşma prosesinə qoşulub. Tədricən digər tibb müəssisələrinin də sistemə inteqrasiyası həyata keçiriləcək.
Məlumat üçün bildirək ki, bundan əvvəl Agentlik tərəfindən təsdiq edildikdən sonra göndəriş vərəqəsini götürmək üçün vətəndaş yenidən dövlət tibb müəssisəsinə yaxınlaşmalı olurdu. Bu isə əlavə vaxt itkisinə və səhhətində problem olan vətəndaş üçün çətinlik yaradırdı. Tətbiq edilən bu yenilik vətəndaşların rahatlığına, tibbi xidmətlərə əlçatanlığa və şəffaflığın təmin olunmasına xidmət edir.
News
İcbari tibbi sığorta ilə 182 000-dən artıq doğuş aparılıb
16 July 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 July 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 July 2024 11:11
Tiroidektomiya əməliyyatı icbari tibbi sığorta ilə ödənişsizdir
05 July 2024 10:25
İcbari tibbi sığorta ilə qasıq yırtığı açıq və laparoskopik üsulla icra olunur
01 July 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 June 2024 10:51
İcbari tibbi sığorta ilə 540 splenektomiya əməliyyatı icra olunub
24 June 2024 14:52
Zaur Əliyev Goranboy şəhərində vətəndaşları qəbul edib
21 June 2024 17:00
İcbari tibbi sığorta uşaqlığın çıxarılması əməliyyatını qarşılayır
21 June 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 June 2024 14:49