İcbari Tibbi Sığorta üzrə Dövlət Agentliyi Tibbi iddialar departamentinin Göndərişlər şöbəsinə mütəxəssis vəzifəsinə vakansiya elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmaq imkanı;

• Yüksək komanda ruhunda əməkdaşlıq və zəngin təcrübənin qazanılması;

• Karyera inkişafı imkanları;

• Rəqabətədavamlı əmək haqqı.

Bizim üçün uyğun namizəd:

• Ali tibbi təhsil (Rezidentura təhsili üstünlükdür);

• Tibb sahəsində təşkilatı işlər üzrə 1 ildən az olmayaraq ümumi əmək stajı;

• Səhiyyə sahəsində mövcud qanunvericilik üzrə biliklər;

• Azərbaycan dilini mükəmməl səviyyədə bilmək;

• Yüksək ünsiyyət, təşkilatçılıq, komandada işləmə bacarığı;

• Ofis proqramları üzrə biliklər;

• İxtisası üzrə sertifikatların olması arzu olunandır.

Görəcəyiniz işlər:

• Müqaviləli özəl tibb müəssisələrinə müayinə və müalicə üçün göndərişlərin Agentliyin vahid elektron informasiya sistemi üzərində nəzarət etmək;

• Müqaviləli özəl tibb müəssisələrinə birbaşa təcili müraciətlərlə bağlı məktublara cavab vermək;

• Dövlət xəstəxanaların göndərişlər üzrə məsul şəxslərlə əlaqə saxlamaq və göndərişlərə aid müvafiq düzəlişlərə nəzarət etmək;

• Digər şöbələrdən müraciətlərini araşdırmaq və yaranan mübahisəli məsələləri həll etmək;

• Şöbə müdirindən daxil olan bütün müraciətləri və müvafiq sənədləri qəbul edərək gündəlik iş planına daxil etmək və rəhbəri ilə razılaşdırmaqla müvafiq yazılı və ya şifahi cavabı hazırlamaq.

Əlavə məlumatlar:

• İş qrafiki: Bazar ertəsi - Cümə, 5 günlük iş həftəsi;

• İş vaxtı: 09:00 – 18:00.

Müraciət qaydası:

• Vakansiyaya son müraciət tarixi: 15.04.2022-ci il;

• CV-lər cv@its.gov.az ünvanına göndərilməlidir^[1];

• Müraciət etdiyiniz vəzifənin adı “mövzu” bölməsində qeyd edilməldir;

• Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.

^[1] Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.