1. İcbari Tibbi Sığorta üzrə Dövlət Agentliyinin (bundan sonra – Agentlik) rəsmi veb-saytı its.gov.az (bundan sonra – Sayt) istifadəçilərinə elektron xidmətlər təqdim edərkən onların şəxsi məlumatlarını toplayır, istifadə edir və qoruyur.
2. Bu məxfilik siyasəti istifadəçilər tərəfindən ziyarət olunan, təklif olunmuş xidmətlərdən istifadə edilən və ya bizimlə əlaqə saxlanılan zaman əldə edilmiş məlumatların (fərdi və texniki) toplanması, istifadəsi, qorunması, açıqlanması və verilməsi qaydalarını müəyyənləşdirir. Fərdi məlumatlar Azərbaycan Respublikası qanunvericiliyi ilə müəyyən edilən səlahiyyət və vəzifələrinin icra olunması üçün “Fərdi məlumatlar haqqında” Azərbaycan Respublikası Qanununun tələblərinə uyğun olaraq toplanılır, işlənilir və mühafizə olunur.
3. Hazırki məxfilik siyasəti üzrə verilənlər dedikdə – informasiya və rəqəmsal texnologiyalar vasitələri ilə emal edilməyə yararlı və aşağıda qeyd edilən məlumatlar nəzərdə tutulur:
   1. sizə aid fərdi məlumatlar (kimliyinizi birbaşa və ya dolayısı ilə müəyyənləşdirməyə imkan verən istənilən məlumat);
   2. sizə aid texniki məlumatlar - vebsayt istifadə edilərkən avtomatik şəkildə toplanan məlumatlardır. Bunlara cihaz növü, əməliyyat sistemi, brauzer növü, ekran ölçüsü, IP ünvanı, bağlantı vaxtı və saytın hansı hissələrinin istifadə edildiyi kimi məlumatlar daxildir;
   3. elektron kabinetinizə dair məlumatlar;
   4. tərəfinizdən təmin edilmiş və sizinlə əlaqəli üçüncü şəxslərə dair məlumatlar;
4. Sayt və elektron kabinet üzərindən təmin ediləcək elektron xidmətlərdən istifadədaniz xidmətin göstərilməsi ilə əlaqəli fərdi və ya digər məlumatlarınızın hazırki məxfilik siyasəti ilə müəyyən olunmuş qaydada və əsaslarla toplanması, istifadə edilməsi, emalı və açıqlanmasına dair razılığınız (irada ifadəniz) kimi qəbul ediləcəkdir. Sayt və elektron kabinetdən istifadə etməzdən öncə bu məxfilik siyasəti ilə tanış olmağınız tövsiyə olunur.

1. Saytdan istifadənizlə əlaqədar olaraq toplanan məlumatlar yalnız bu məxfilik siyasəti və qanunla müəyyən edilmiş digər hallarda toplanacaqdır. Toplanan məlumatların məcmusu Agentlik tərəfindən saytdan istifadənizin təmin edilməsi üçün tələb edilən və toplanan məlumatlardır, bununla məhdudlaşmamaqla bu məlumatların dairəsi aşağıdakı kimi müəyyən olunur:
   1. elektron kabinetinizə dair giriş məlumatları;
   2. əlaqə məlumatlarınız, o cümlədən şəxsiyyət vəsiqəsi məlumatlarınız və ya digər identifikasiya məlumatlarınız, telefon nömrəniz, e-poçt, və ünvanınız;
   3. Sayt bildirişlərini (e-poçt və digər) almaq üçün təqdim olunmuş digər əlaqələndirici məlumatlar (mobil nömrə, e-poçt və digər vasitələrlə);
   4. Saytın istifadəsi ilə əlaqədar olaraq, lokasiya məlumatınız, IP ünvanınız, şəbəkə interfeysləri, cihaz növü və modeli və bununla məhdudlaşmayaraq cihazınızdan alınan digər məlumatlar;
   5. Saytdan istifadə etdiyiniz zaman sessiya müddəti keçmiş və ya dayandırılmış elektron xidmət üzrə doldurulmuş elektron forma, səhifəni və ya xidmət mərhələsini bərpa etmək, yenidən səhifəyə geri dönüş etdiyinizdə xidməti və ya elektron forma (blankı) (qaldığınız yerdən davam etdirə bilmək üçün);
   6. Xüsusi funksionallıqların təmin edilməsi (istifadəçi təcrübəsini yaxşılaşdırmaq və multimedia funksiyalarını aktivləşdirmək), həmçinin saytın və Vahid Giriş Sisteminin düzgün istifadəsini təmin etmək məqsədilə istifadəçinin cihazında müəyyən funksiyalara (kamera, mikrofon, məkan məlumatı və s.) giriş üçün vebsayt tərəfindən tələb olunan icazələr - cihaz icazələri (coğrafi yerləşmə, audio və video, kamera girişi və yaddaşa giriş icazəsi) vasitəsilə toplanan məlumatlar.

1. Aşağıda qeyd olunan siyahı ilə məhdudlaşmayaraq, verilənlər aşağıda qeyd olunan texnologiyalar və ya texnoloji həllər yolu ilə toplana bilər:
   1. Analitik teqlər: Analitika teqləri ümumi istifadəçi təcrübəsini təkmilləşdirmək məqsədilə saytın funksional xüsusiyyətlərinin effektivliyini və saytın istifadəçi seçimlərini təhlil etmək üçün tərəfimizdən istifadə olunur.Analitik teq - vebsaytın istifadəçi davranışlarını izləmək və təhlil etmək üçün yerləşdirilən izləmə kodudur. Sayt istifadəçisinin profili haqqında daha çox başa düşmək üçün bu cür analitik teqlər vasitəsilə toplanmış məlumatlar (məsələn, əməliyyat tarixçəsi və demoqrafik məlumat) istifadə edilir;
   2. Kukilər: Kukilər saytdan istifadə etdiyiniz zaman haqqınızda məlumat saxlamaq və izləmək üçün brauzerinizə və ya cihazınıza göndərilən kiçik məlumat fayllarıdır. Kukilər həmçinin saytın funksionallığını təkmilləşdirmək və saxlamaq, sayt istifadəçilərinin sayı, onların istifadə tezliyi, istifadəçilərin profili və istifadə ilə bağlı digər oxşar məlumatları izləmək üçün istifadə olunur. Bu kukilər saytdan istifadə etdiyiniz zaman bizə məlumat verə bilsə də, onlar sessiya əsaslıdırlar və sabit diskinizdən məlumatları oxuya bilməz. Bütün kukilər şəxsi məlumatları toplamır və siz kukilərdən istifadəni rədd etmək üçün seçimlərinizi və parametrlərinizi konfiqurasiya edə bilərsiniz. Bu kukilər saytın funksionallığını yoxlamaq üçün və sayt xidmətlərini daha da yaxşılaşdırmaq üçün anonim veb istifadə məlumatları toplamaq üçün istifadə olunur. Kuki fayllarını rədd etməyiniz saytdakı bəzi funksiyalara təsir edə bilər;
   3. Server qeydləri (Server logs): Server qeydləri saytı istifadə etdiyiniz cihaz tərəfindən yaradılmış fayl və fəaliyyət qeydləridir. Məsələn, veb server jurnalı səhifə sorğularının tarixçəsini qeyd edə bilər, digər qeydlər isə səhvləri, giriş cəhdlərini və ya İP ünvanınız və ya cihazınızın kuki parametrləri kimi cihazınız haqqında digər məlumatları qeyd edə bilər. Agentlik bu cür server qeydlərini inzibati, təhlükəsizlik və problemlərin aradan qaldırılması məqsədləri üçün toplaya və saxlanıla bilər;
   4. Cihaz haqqında məlumat: Agentlik sizin cihazınıza aid məlumatları saxlaya bilər, məsələn, cihazın modeli, növü, əməliyyat sistemi, digər texniki xüsusiyyətləri və funksionallıq üçün verilmiş hər hansı icazələr (məsələn, coğrafi yerləşmə, kamera, audio və video icazələri).

1. Toplanmış məlumatlar Agentlik tərəfindən aşağıdakı məqsədlərdən hər hansı biri, bəziləri və ya hamısı üçün istifadə edilə və emal edilə bilər:
   1. saytdan istifadənizə kömək etmək və asanlaşdırmaq, o cümlədən elektron kabinetinizi yaratmaq, elektron kabinetinizə daxil olmanızı və saytın funksionallarından istifadənizi asanlaşdırmaq (o cümlədən də “Vahid Giriş Sistemi” üzrə elektron kabinetə girişinizi təmin etmək üçün);
   2. istifadəçi olaraq tərəfinizdən və ya adınızdan ünvanlanmış hər hansı sorğu, rəy və ya şikayətlərinizə geri dönüşü təmin etmək;
   3. saytın təkmilləşdirilməsi çərçivəsində istifadəçi davranışını, meylləri və üstünlüklərini anlamaq üçün saytdan istifadənizi izləmək və bu barədə anonimləşdirilmiş statistik məlumatlar hazırlamaq;
   4. ən çox və ən az daxil olunan səhifələr, eləcə də, ziyarətçilərin Xidmət daxilində hərəkəti və e-poçtlarımızla istifadəçilərin qarşılıqlı əlaqəsi kimi məsələlər də daxil olmaqla, Xidmət daxilində istifadəçinin fəaliyyətini başa düşmək. ("Google Analytics"dən istifadə edə bilərik. Siz "Google Analytics" barədə və saytlarımızın istifadəsi ilə bağlı "Google Analytics"dən istifadənin dayandırılması barədə keçiddən ətraflı öyrənə bilərsiniz);
   5. məlumatlarınızın qanunla müəyyən edilmiş qaydada saxlanması və ya ehtiyat nüsxələrinin yaradılması məqsədilə
   6. Əgər qanunvericilikdə ayrı qayda nəzərdə tutulmayıbsa, toplanan məlumatlar yalnız hüquqi və texniki zərurət olduğu təqdirdə 3 il müddətində saxlanılır.

1. İstifadəçi olaraq təqdim etdiyiniz və ya saytın və ya onun xüsusiyyətləri və ya funksiyalarının təmin edilməsinin bir hissəsi kimi yuxarıda qeyd olunan əsaslarla toplanmış məlumatlar qanunla qadağan edilmədiyi halda, Agentlik tərəfindən aşağıda qeyd olunan üçüncü şəxslərin hər hansı biri ilə paylaşıla, ötürülə və açıqlana bilər:
   1. elektron xidmətlərin göstərilməsi məqsədi ilə mövcud olan və ya yeni yaradılan informasiya sistemlərinin və ehtiyatlarının qarşılıqlı əlaqələrinin və uzlaşmasının təmin edilməsi məqsədilə qanunla müəyyən olunmuş hüquqi əsas çərçivəsində dövlət qurumları (o cümlədən də onların strukturuna daxil olan qurumlar və ya strukturuna daxil olmayan tabeliyindəki qurumlar) ilə;
   2. qanunvericiliyin tələblərinə uyğun olaraq məhkəmə qərarı nəticəsində açıqlanması tələb edilən məlumat olduqda, məhkəmənin qanuni qüvvəyə minmiş qərarı əsasında və qanunla müəyyən edilmiş digər qaydada üçüncü şəxslərə;
   3. dövlət qurumları (xüsusilə də hüquq mühafizə orqanları) və məhkəmələr tərəfindən əməliyyat-axtarış fəaliyyətinin təmini, məhkəmə araşdırması, cinayət işinin araşdırılması, ictimai qaydanın mühafizəsi və o cümlədən də milli təhlükəsizliyin təmini məqsədilə.

1. Saytdan istifadə zamanı üçüncü şəxslərə aid məlumatların təmin edilməsi tələb olunan hallarda, bu məlumatlar aşağıda qeyd olunan hallar və qaydalar nəzərə alınmaqla toplanılır. Tərəfinizdən bu növ üçüncü şəxslərə aid məlumatları sayt vasitəsi ilə Agentliyə təqdim etmədən əvvəl:
   1. üçüncü şəxslərə onların məlumatlarını və ya fərdi məlumatlarını sayta təqdim edəcəyinizi bildirməli (verilənlərin sayt vasitəsilə emalı, istifadəsi, toplanması və ya açıqlanması hallarına dair məlumat verməklə);
   2. məlumatları və ya fərdi məlumatları açıqlanan şəxslərin bu barədə öncədən razılığını almalı.
2. Üçüncü şəxslərə aid məlumatı təqdim etməklə, istifadəçi olaraq təmsil edir və təmin edirsiniz ki:
   1. təqdim edəcəyiniz və ya təqdim etdiyiniz məlumat və ya şəxsi məlumat tam, dəqiq və düzgündür;
   2. bu məlumatların və ya fərdi məlumatların yuxarıda qeyd olunan məqsələr çərçivəsində toplaması, istifadəsi, açıqlanması və emalı üçün bu şəxslərin adından hərəkət etmək və şəxsi məlumatlarını və ya digər məlumatlarını Agentliyə təqdim etmək üçün etibarlı səlahiyyətə maliksiniz və bu barədə müvafiq sənədiniz mövcuddur.

Tətbiq etdiyimiz praktikadakı və ya qanuni tələblərdəki dəyişiklikləri əks etdirmək məqsədilə bu məxfilik siyasətinə dəyişiklik edə və ya yeniləyə bilərik. Əhəmiyyətli dəyişiklikləri veb-saytda dərc edilməklə və qüvvəyə minmə tarixini göstərməklə saytda öz əksini tapacaqdır.

Bu məxfilik siyasəti və ya İcbari Tibbi Sığorta üzrə Dövlət Agentliyinin fəaliyyəti ilə bağlı suallarınız varsa, aşağıdakı əlaqə vasitələrindən bizə müraciət edə bilərsiniz:

Ünvan: Bakı, Lev Tolstoy küçəsi 170, AZ1095

E-poçt ünvanı: info@its.gov.az

Telefon nömrəsi: (012) 310 07 70