08 Yanvar 2021 09:52

COVID-19-a qarşı peyvəndləmə üzrə səhiyyə işçiləri üçün təlim kursu keçirilir

Ümumdünya Səhiyyə Təşkilatı (ÜST) və UNICEF-in birgə təşkilatçılığı ilə səhiyyə işçiləri üçün yeni növ koronavirusa qarşı peyvəndləmə üzrə təlim keçirilir. Virtual formatda təqdim edilən təlim günün bütün saatlarında aktivdir.

ÜST-ün ekspertlərinin iştirak etdiyi təlimin təşkilində məqsəd COVID-19-a qarşı peyvəndləmənin həyata keçirilməsində iştirak edən bütün səhiyyə işçilərinin peyvəndləməni təhlükəsiz və səmərəli həyata keçirmələrini təmin etməkdir.

6 moduldan ibarət təlim kursuna video mühazirələr, viktorinalar, köməkçi materiallar, interaktiv çalışmalar və yüklənə biləcək təqdimatlar daxildir.

Təlim üçün nəzərdə tutulan təqdimatlar aşağıdakı mövzuları əhatə edir:

• Patogen (SARS-CoV-2) və koronavirus xəstəliyinin (COVID-19) təsviri;
• Peyvəndin saxlanması və istifadə olunması, soyuq zəncir və tullantıların ləğv edilməsi prosedurları;
• COVID-19 peyvəndinin tətbiqi və peyvəndləmə prosesində infeksiyanın qarşının alınması və nəzarət tədbirləri;
• COVID-19 peyvəndləmə ilə bağlı yanaşı təsirlər və onlarla bağlı məlumatın ötürülməsi;
• Qeydiyyat formaları və imtina edənlərin qeydiyyatı;
• COVID-19 peyvəndi  ilə bağlı effektiv və fərdi kommunikasiya.

İngilis dilində təqdim edilən təlim kurslarında iştirak etmək üçün linkə daxil olaraq qeydiyyatdan keçə bilərsiniz. Təlimdə iştirak ödənişsizdir.

QEYDİYYATDAN KEÇİN

Kursun sonunda test nəticələri 80%-dən yüksək olan iştirakçılara sertifikat təqdim ediləcək.