06 Aprel 2021 12:52

Koreya Səhiyyə Sənayesinin İnkişafı İnstitutu tibb və qeyri tibb işçilərini təlim proqramında iştiraka dəvət edir

Koreya Səhiyyə Sənayesinin İnkişafı İnstitutunun təşkilatçılığı ilə 1 İyun-16 İyul 2021-ci il tarixlərində Tibbi Koreya Akademiyası onlayn təlim proqramı təşkil olunacaq.

Təlim proqramı klinik fəaliyyətlə məşğul olan tibb işçiləri, səhiyyədə informasiya və kommunikasiya texnologiyaları üzrə çalışan tibb və qeyri-tibb mütəxəssisləri üçün nəzərdə tutulmuşdur. Təlim proqramı ingilis dilində keçiriləcək.

Təlim proqramı aşağıdakı kurslardan ibarətdir:

Cərrahi bacarıqlar üzrə:

Hepatobiliar və mədəaltı vəz cərrahiyyəsi
Qastrointestinal cərrahiyyə
Kolorektal cərrahiyyə

Daxili xəstəliklər üzrə :

Endoskopiya bacarıqları
Exokardioqrafiya bacarıqları
İnfeksiyaya nəzarət bacarıqları

Qeyri-tibbi tədris üzrə kurs:

Səhiyyədə informasiya və kommunikasiya texnologiyaları üzrə kurs

Kurs aşağıdakı mövzuları əhatə edəcəkdir:

Səhiyyədə informasiya və kommunikasiya texnologiyaları (İKT)
Elektron tibbi qeydiyyat sistemi
Səhiyyədə böyük məlumat bazası (Big Data) və süni intellekt (AI)
Səhiyyədə IoT və 5G sisteminin tətbiqi
Dəqiq təbabət təşəbbüsü (PMI - Precision Medicine Initiative)

Təlim proqramına qeydiyyat ödənişsizdir. Hər bir kurs 20 mühazirədən ibarətdir. Bir mühazirə təxminən 1 saat davam edir.

Təlim proqramında iştirak etmək üçün anket və razılıq formasını doldurub 30 aprel 2021-ci il tarixinə qədər qeyd edilən elektron poçt ünvanlarına (mkaglobal@khidi.or.kr, djafarli@its.gov.az ) təqdim etmək lazımdır.