Zaur Əliyev Göygöl şəhərində vətəndaşları qəbul edəcək

28.10.2025, 15:00

İcbari Tibbi Sığorta üzrə Dövlət Agentliyinin İdarə Heyətinin sədri Zaur Əliyev 14 noyabr 2025-ci il tarixində Göygöl, Daşkəsən, Goranboy, Xocalı rayon və Naftalan şəhər sakinlərini qəbul edəcək.

Qəbul saat 10:00-da "Göygöl Rayon Mərkəzi Xəstəxanasında"ndə (Ünvan: Göygöl şəhəri, Mir Cəlal Paşayev küçəsi 1) baş tutacaq.

Qəbula gəlmək istəyən vətəndaşlar şəxsiyyəti təsdiq edən sənədlə Göygöl, Daşkəsən, Goranboy, Xocalı rayon və Naftalan şəhər xəstəxanasının Ümumi şöbələrinə müraciət etməklə, eləcə də, İcbari Tibbi Sığorta üzrə Dövlət Agentliyinin 1542 Çağrı mərkəzinə, (+994 12) 310 07 70 (daxili 2108) əlaqə nömrəsinə zəng etməklə və ya Agentliyin rəsmi veb-saytının vətəndaşların qəbulu üçün onlayn qeydiyyat bölməsi vasitəsilə, yaxud info@its.gov.az elektron poçt ünvanına yazmaqla qeydiyyatdan keçə bilərlər.

Qəbula gəlmək istəyən vətəndaşlardan Agentliyin səlahiyyətlərinə aid olan məsələlərlə bağlı müraciət etmələri və şəxsiyyəti təsdiq edən sənədlə birgə gəlmələri xahiş olunur. Müraciətini yazılı təqdim etmək istəyən vətəndaşların diqqətinə çatdırırıq ki, müraciətin mətni oxunaqlı olmalı, müraciətdə edilən təklif və ya tələb aydın ifadə edilməlidir.

Qəbula qeydiyyat 13 noyabr2025-ci il, saat 17:00-da başa çatır. Vətəndaşlar qəbula yazılmış şəxslərin əvvəlcədən tərtib edilmiş siyahısı əsasında qəbul ediləcəklər.