04 Fevral 2019 11:44
Xidmətlər zərfinin hazırlanması üzrə təlim keçirildi
İcbari Tibbi Sığorta üzrə Dövlət Agentliyinin (Agentlik), Fransanın sosial sahələrlə bağlı nazirliklərinin Avropa və beynəlxalq məsələlər üzrə nümayəndəliyinin və Litvanın sosial müdafiə qurumları ilə birlikdə icra etdiyi, Avropa İttifaqının maliyyələşdirdiyi "Azərbaycanda icbari tibbi sığorta sisteminin tətbiqinə dəstək" tvininq layihəsi çərçivəsində “Xidmətlər zərfinin hazırlanması” mövzusunda təlimçilər üçün təlim təşkil olunmuşdur.
Fransa Milli Səhiyyə İnformasiya İnstitutunun rəhbəri Dominik Polton və Litva Səhiyyə nazirliyinin baş müşaviri Gintaras Kaçeviçius tərəfindən keçirilmiş təlimlərin məqsədi icbari tibbi sığortanın (İTS) xidmətlər zərfinin hazırlanması istiqamətində beynəlxalq təcrübənin öyrənilməsi və sözügedən sahə üzrə təlimçilər qrupunun yaradılması olmuşdur. Təlimdə Agentliyin, Azərbaycan Tibb Universitetinin və Əziz Əliyev adına Azərbaycan Dövlət Həkimləri Təkmilləşdirmə İnstitutunun əməkdaşları olmaqla 20 nəfər iştirak etmişdir.
5 gün davam edən təlimdə İTS üzrə dünya təcrübəsi, xidmətlər zərfinə dair nəzəriyyə və təcrübə, xidmətlər zərfinin hazırlanması zamanı istifadə olunan meyarlar, xidmətlər zərfinə dair beynəlxalq və milli təcrübədən alınan dərslər, xidmətlər zərfinə daxil olan dərman vasitələrinin siyahısının hazırlanması, xidmətlər zərfinin təkmilləşdirilməsi üçün yeni tibbi texnologiyaların və tibbi məhsulların qiymətləndirilməsi barədə təqdimatlar edilmişdir. Qrup məşğələləri zamanı yuxarıda qeyd olunan mövzular ətrafında müzakirələr aparılmış və çalışmalar təşkil edilmişdir.
Təlimdə həmçinin Agentliyin Səhiyyə siyasəti və kliniki kodlaşdırma şöbəsinin müdiri Şərafət İsmayılova İTS-nin məqsədləri, baza və istisnalar zərfi, tibbi xidmətlər üzrə ödəniş qaydaları haqqında məlumat verilmiş və iştirakçıların sualları cavablandırılmışdır. Mingəçevir şəhər Mərkəzi Xəstəxanasının direktoru Könül Ələkbərov İTS-nin tətbiqi ilə bağlı xəstəxananın fəaliyyətinin və onun maliyyələşdirilməsi sisteminin yenidən qurulması, İTS-nin tətbiqinin həm əhali, həm də tibb işçilərinə göstərdiyi təsir haqqında məlumat vermişdir.
Sonda təlim iştirakçılarına sertifikatlar təqdim olunmuşdur.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17