15 Yanvar 2021 16:53
“Virtual Diabet Məktəbi” layihəsi üzrə Anlaşma Memorandumunun imzalanması mərasimi keçirilib
15 yanvar 2021-ci il tarixində İcbari Tibbi Sığorta üzrə Dövlət Agentliyi (Agentlik) və Novo Nordisk şirkəti arasında “Virtual Diabet Məktəbi” layihəsi üzrə Anlaşma Memorandumunun onlayn imzalanması mərasimi keçirilib. Memorandumu Agentliyin İdarə Heyətinin sədri Zaur Əliyev və Novo Nordisk şirkətinin Azərbaycan üzrə meneceri Gülşabə Abbasova imzalayıblar.
Layihənin əsas məqsədi ölkədə ictimaiyyətin diqqətini şəkərli diabetlə mübarizəyə yönəltmək və əhalini bu istiqamətdə maarifləndirərək sağlam həyat tərzi keçirməyə sövq etməkdir.
Mərasimdə Novo Nordisk şirkəti, Agentlik və Tibbi Ərazi Bölmələrini İdarəetmə Birliyinin nümayəndələri iştirak ediblər.
Agentliyin İdarə Heyətinin sədri qonaqları salamlayaraq bildirib ki, şəkərli diabet XXI əsrdə ən geniş yayılmış xəstəliklərdəndir: “Hər il dünyada ölümlərin 11.3%-i şəkərli diabetlə bağlı olur. Ölkəmizdə qeydiyyatda olan şəkərli diabet xəstələrinin sayı 272 min nəfərdir. Onların 1850-ni uşaqlar təşkil edir”. Onun sözlərinə görə, diabetlə əlaqəli fəsadlaşmaların sayının artması universal tibbi təminat baxımından dövlət büdcəsinə ağır maliyyə yükü yaradır: “İlkin profilaktik tədbirləri və əhali arasında maarifləndirməni gücləndirməklə xəstəliklə bağlı xərcləri əhəmiyyətli dərəcədə azaltmaq olar. Bu baxımdan Anlaşma Memorandumu birgə səylərimizlə bizə mənfi tendensiyanı müsbətə doğru çevirməyə yeni imkanlar açır”.
Novo Nordisk şirkətinin korporativ vitse-prezidenti Emil Larsen öz növbəsində bildirib ki, 95 ildən artıq tarixi olan Novo Nordisk şirkəti dünyanın 75 ölkəsində fəaliyyət göstərir. 1998-ci ildən isə Azərbaycanla tərəfdaşlıq edir: “Hazırda dünyanın 170 ölkəsində 30 milyon şəkərli diabet daşıyıcısı şirkətin məhsullarından istifadə edir, bununla da insulinə olan tələbatın təxminən 50%-i şirkət tərəfindən təchiz edilir”.
Daha sonra ekspertlər tərəfindən Novo Nordisk şirkətinin Azərbaycandakı fəaliyyəti və layihənin Azərbaycan üçün üstünlükləri barədə məruzələr edilib.
Məlumat üçün bildirək ki, Novo Nordisk şirkəti şəkərli diabetin müalicəsində tibbin ən yeni nailiyyətlərdən istifadə edən dünya üzrə tanınmış şirkətdir. Şirkət dünyada şəkərli diabetlə yaşayan milyonlarla insana və şəkərli diabetə tutulma riski olanlara öz dəstəyini ifadə edir, bu xəstəliklə yaşayan insanların həyat keyfiyyətinin yaxşılaşmasına daim öz töhfəsini verir.
Xəbərlər
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00