İcbari Tibbi Sığorta üzrə Dövlət Agentliyi İnsan  resursları və inkişafı  departamentinin İşə qəbul və seçim şöbəsinə məsləhətçi (baş mütəxəssis səviyyəsində) vakansiyası elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;

• Yüksək komanda ruhunda əməkdaşlıq və zəngin təcrübənin qazanılması;

• Karyera irəliləyişlərində yaradılan şərait;

• Rəqabətədavamlı əmək haqqı.

Bizim üçün uyğun namizəd:

• Ali təhsilli (namizədin ali iqtisadi, idarəçilik və ya digər əlaqəli sahə üzrə təhsilinin olması arzuolunandır);

• İşə qəbul sahəsi üzrə 1 ildən az olmayaraq rəhbərlik təcrübəsi (geniş filiallar və regional mərkəzlər şəbəkəsinə malik müəssisəsində iş təcrübəsi üstünlükdür);

• İşə qəbul sahəsi üzrə azı 3 ildən artıq iş təcrübəsi;

• İnsan resurslarının idarəedilməsi sahəsində biliklərin çox yaxşı səviyyədə olması;

• Namizədlərin cəlbi və seçimi üzrə texnikalar, davranış və funksional səriştələr barədə ətraflı məlumatlılıq;

• İdarəetmə, analitik, yüksək ünsiyyət, təşkilatçılıq, komandada işləmə bacarıqları;

• Ofis proqramları (Excell, Powerpoint, Outlook) üzrə biliklərin yüksək səviyyədə olması;  

• Müvafiq sahə üzrə biliyi təsdiq edən sertifikat;

• Azərbaycan dili ana dili, ingilis dili yaxşı səviyyədə.

Görəcəyiniz işlər:

• Agentliyin işə qəbul işinin idarə edilməsi;

• İşə qəbul planının hazırlanması üzrə işlərin icrası;

• Struktur bölmə rəhbərləri və digər komanda üzvləri ilə sıx əlaqələrin qurulması;

• Müxtəlif işə qəbul mənbələrindən istifadə etməklə peşəkar namizədlərin cəlb olunması;

• Namizədlərin seçimi prosesinin qaydalara və beynəlxalq təcrübəyə uyğun aparılması;

• Spesifik vəzifələr üçün meyarların, işə qəbul mexanizminin yaradılması və bu prosesə davamlı nəzarəti;

• Yeni işçilər üçün ilkin təlimatlandırma (tanışlıq) prosesinin təkmilləşdirilməsi;

• Müxtəlif vəzifələr üzrə əmək bazarının araşdırılması və təhlillərin aparılması;

• Ümumi insan resursları funksiyasının fəaliyyətində fəal iştirak etmə.

Əlavə məlumatlar:

• İş qrafiki: Bazar ertəsi - Cümə, 5 günlük iş həftəsi;

• İş vaxtı: 09:00 – 18:00;

Müraciət qaydası:

• Vakansiyaya son müraciət tarixi: 22.03.2022-ci il;

• CV-lər cv@its.gov.az ünvanına göndərilməlidir ^[1]; 

• Müraciət etdiyiniz vəzifənin adı “mövzu” bölməsində qeyd edilməldir;

• Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.

^[1] Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.