18 Mart 2022 15:58
2022-ci ilin fevral ayı ərzində 63 şəhər və rayonun əhalisinə 1 milyondan çox tibbi xidmət göstərilib
İcbari tibbi sığortanın tətbiq olunduğu tibb müəssisələri tərəfindən İcbari Tibbi Sığorta üzrə Dövlət Agentliyinə (Agentlik) təqdim edilən ilkin hesabatlara əsasən cari ilin fevral ayı ərzində 63 şəhər və rayon üzrə 493 718 vətəndaşa 1 822 749 tibbi xidmət göstərilib. Ay ərzində tibb müəssisələrinə 826 335 müraciət daxil olub. Bu isə ölkə üzrə qeydə alınan bütün tibbi xidmət sayının 63 %-ni, müraciət sayının isə 62 %-ni əhatə edir. Fevral ayında bölgələrdə müraciətlər üzrə tibbi xidmətlərin 86 %-i ambulator, 14 %-i isə stasionar şəraitdə göstərilib.
2022-ci ilin fevral ayı üzrə bölgələrdə əhaliyə göstərilən tibbi xidmətlərə dair digər göstəriciləri təqdim edirik:
Əhalinin hər 1000 (min) nəfərinə tibb müəssisələrinə olunan müraciət sayına əsasən ilk onluqda yer alan şəhər və rayonlar: Mingəçevir, Sumqayıt, Balakən, Gəncə, Şirvan, Qax, Yevlax, Beyləqan, Göygöl və Göyçay.
Ən çox ambulator xidmət göstərmiş tibb müəssisələrinin ilk onluğu: Gəncə Şəhər Birləşmiş Xəstəxanası, Sumqayıt Tibb Mərkəzi, Mingəçevir Şəhər Mərkəzi Xəstəxanası və Xaçmaz, Bərdə, Yevlax, Qəbələ, Quba, Balakən, Göyçay rayon mərkəzi xəstəxanaları.
Ən çox stasionar xidmət göstərmiş tibb müəssisələrinin ilk onluğu: Sumqayıt Tibb Mərkəzi, Gəncə Şəhər Birləşmiş Xəstəxanası, Mingəçevir Şəhər Mərkəzi Xəstəxanası və Quba, Ağdaş, Bərdə, Lənkəran, Xaçmaz, Şəki, Salyan rayon mərkəzi xəstəxanaları.
Qeyd olunmalıdır ki, bir sıra tibb müəssisələri həm ambulator, həm stasionar tibbi xidmət göstərmiş müəssisələrin ilk onluğunda yer alıblar. Bunlar Gəncə Şəhər Birləşmiş Xəstəxanası, Sumqayıt Tibb Mərkəzi, Mingəçevir Şəhər Mərkəzi Xəstəxanası və Xaçmaz, Bərdə, Quba rayon mərkəzi xəstəxanalarıdır.
Diqqətə çatdıraq ki, 2022-ci ilin yanvar-fevral ayları ərzində 63 şəhər və rayon üzrə 808 178 şəxsə 1 584 670 müraciət üzrə 3 503 224 tibbi xidmət göstərilib. Bu isə 2 ay ərzində ölkə üzrə qeydə alınan bütün müraciət sayının 63 %-ni, tibbi xidmət sayının isə 64 %-ni əhatə edir.
01.01.2021-ci il tarixinə olan rəsmi məlumata əsasən icbari tibbi sığortanın tətbiq edildiyi 63 inzibati ərazi vahidi üzrə qeydiyyatda olan əhalinin sayı 7 milyon 266 min 300 nəfər, bütün bölgələr üzrə isə 9 657 600 nəfərdir.
Ölkə üzrə cari ilin yanvar-fevral ayları ərzində 1 244 351 vətəndaşa 5 465 999 tibbi xidmət göstərilib. Beləliklə, bu dövrdə əhalinin 13 %-i icbari tibbi sığortadan yararlanıb. 2 507 890 müraciət üzrə tibbi xidmətlərin 82 %-i ambulator, 18 %-i isə stasionar şəraitdə göstərilib. Bu xidmətlərdən istifadə edənlərin 27 %-ni uşaqlar, 73 %-ni isə böyüklər təşkil edir.
Xəbərlər
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57