İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, xidmətlər zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;
• Yüksək komanda ruhunda əməkdaşlıq və zəngin təcrübənin qazanılması;
• Karyera irəliləyişlərində yaradılan şərait;
• Rəqabətədavamlı əmək haqqı;
• İldə üç dəfə mükafat.

Görəcəyiniz işlər:

• Maliyyə hesabatlarının tərtib edilməsinə dəstəyin göstərilməsi;
• İşçilərin aylıq əmək haqlarının, gəlir vergisi, sosial sığorta və digər tutulmaların hesablanması və ödənilməsi;
• Ezamiyyə ilə bağlı ödənişlərin həyata keçirilməsi;
• Əmək haqqının hesablanması və ödənilməsi üzrə müxabirləşmələrin yazılması;
• Məzuniyyət haqlarının, xəstəlik vərəqəsi üzrə ödəmələrin, mükafatların və son haqq-hesab ödənişlərinin hesablanması və ödənişi;
• DSMF tərəfindən ödənilən müavinətlərin dövlət elektron sistemində işlənməsi;
• Muzdlu və qeyri-muzdlu işlə əlaqədar vahid bəyənnamənin hazırlanması;
• Müvafiq dövlət qurumlarından əmək haqqı ilə bağlı təqdim edilmiş hesabatlarla əlaqədar məktubların cavablandırılması;
• İşçilər üçün bank kartlarının sifarişi;
• Əmək haqqı üzrə statistika hesabatlarının hazırlanması;
• Təşkilatın auditi zamanı əmək haqqı və digər müvafiq sənədlərin təqdim edilməsi və yaranmış sualların cavablandırılması.

Bizim üçün uyğun namizəd:

• Ali təhsil (iqtisadiyyat, maliyyə və ya mühasibat uçotu üzrə);
• Müvafiq sahədə minimum 3 il iş təcrübəsi;
• İri həcmli məlumatlarla işləmək bacarığı;
• Excel proqramı üzrə mükəmməl səviyyədə biliklərin olması;
• Azərbaycan Respublikasının Əmək Məcəlləsi, Vergi Məcəlləsi və əmək haqqı ilə bağlı digər normativ hüquqi aktları üzrə biliklərinin olması;
• Xarici dil bilikləri: İngilis dili (orta səviyyə);
• Yüksək analitik təhlil, ünsiyyət, çeviklik, komandada işləmə bacarıqları.

Əlavə məlumatlar:

• İş qrafiki: 5 günlük iş həftəsi;
• İş vaxtı: 09:00 – 18:00.

Müraciət qaydası:

• Vakansiyaya son müraciət tarixi16.01.2023-cü il;
• CV-lər cv@its.gov.az ünvanına göndərilməlidir;
• Müraciət etdiyiniz vəzifənin adı “mövzu” bölməsində qeyd edilməlidir;
• Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.