İcbari Tibbi Sığorta üzrə Dövlət Agentliyi Dərman və tibbi vasitələr şöbəsinin baş məsləhətçisi vakansiyası elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, xidmətlər zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;

• Yüksək komanda ruhunda əməkdaşlıq və zəngin təcrübənin qazanılması;

• Karyera irəliləyişlərində yaradılan şərait;

• Rəqabətədavamlı əmək haqqı;

• İldə üç dəfə mükafat.

Bizim üçün uyğun namizəd:

• Ali təhsil (iqtisadiyyat və maliyyə istiqamətində);

• Dərman və tibb vasitələrinin təchizatında maliyyə işləri üzrə minimum 3 il iş təcrübəsi;

• Dil bilikləri: Azərbaycan (ana dili), ingilis dili (yaxşı), rus dili (arzuolunandır);

• Ofis proqramları üzrə biliklər;

• Ünsiyyət və komandada işləmə bacarığı;

• Problem həlletmə bacarığı.

Görəcəyiniz işlər:

• Dərman və tibb vasitələri üzrə hesabatlılığın təşkili;

• Dərman və tibb vasitələrinin seçilməsində maliyyə analizlərinin aparılması;

• Maliyyədən düzgün və səmərəli istifadənin təşkili üçün araşdırma və layihələrin təklif edilməsi;

• Aptek təşkilatlarından təqdim olunan hesabatların yoxlanılması;

• Sahəsi üzrə hesabat və təqdimat sənədlərinin hazırlanması.

Əlavə məlumatlar:

• İş qrafiki: Bazar ertəsi - Cümə, 5 günlük iş həftəsi;

• İş vaxtı: 09:00 – 18:00;

• İş yeri: Begoc biznes mərkəzi.

Müraciət qaydası:

• Vakansiyaya son müraciət tarixi: 20.11.2023-cü il;

• CV-lər cv@its.gov.az ünvanına göndərilməlidir;

• Müraciət etdiyiniz vəzifənin adı “mövzu” bölməsində qeyd edilməlidir;

• Müraciətlər nəzərdən keçiriləcək, yalnız tələblərə cavab verən namizədlərlə əlaqə saxlanılacaqdır.

Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.