İcbari Tibbi Sığorta üzrə Dövlət Agentliyi Tibbi xidmətlərin strateji satınalma şöbəsinin müdiri vakansiyasını elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;

• Yüksək komanda ruhunda əməkdaşlıq və zəngin təcrübənin qazanılması;

• Karyera irəliləyişlərində yaradılan şərait;

• Rəqabətədavamlı əmək haqqı;

• İldə üç dəfə mükafat.

Bizim üçün uyğun namizəd:

• Ali təhsil;

• Maliyyə, iqtisadiyyat, biznesin təşkili, səhiyyə və ya idarəetmə sahəsində minimum 3 il iş təcrübəsi (5 il ümumi iş təcrübəsi mütləqdir);

• Komandanın və vaxtın idarə olunması bacarığı;

• İnduktiv və analitik təhlil bacarığı;

• Microsoft Ofis və Power BI proqramlarında yüksək səviyyədə işləmək bacarığı;

• Azərbaycan və ingilis dilində yüksək yazılı və şifahi ünsiyyət bacarığı.

Görəcəyiniz işlər:

• Agentlik üçün tibbi xidmət ehtiyaclarının təhlili və göstərdiyimiz xidmətlərə dəyər əlavə edən imkanların müəyyən edilməsi;

• Bazar təhlilinin (benchmarking, bazar iştirakçılarının təhlili) aparılması ilə təchizatçılardan və şirkətdən məlumatların toplanması;

• Xidmətlərin təhlili və onlara uyğun olaraq tərəfdaşlıqların və məhsuldar əlaqələr şəbəkəsinin qurulması;

• Özəl tibb müəssisələri və təchizatçılar ilə təklifləri müzakirə etmək və müqavilə bağlanması;

• Onların performansı üçün KPİ-ların müəyyənləşdirilməsi və idarə edilməsi;

• Agentlik üçün riskləri və xərcləri azaltmaq məqsdəli satınalma strategiyalarının təklifi və həyata keçirilməsi;

• Regional və qlobal səviyyəli ən yaxşı təcrübələrin araşdırılması, müqayisəli təhlillərin edilməsi və boşluq təhlillərinin aparılması;

• Təhlillərin nəticələri ilə bağlı təqdimatların və tərəfdaşlıqların təklif edilməsi;

• Ehtiyac olduqda proseslərin və ümumi yanaşmanın optimallaşdırılması və təkmilləşdirilməsi ilə bağlı təkliflərin verilməsi;

• Göstərilən tibbi xidmətlərin analitik təhlillərinin aparılması, proseslərin, xərclərin optimallaşdırılması istiqamətində təkliflərin verilməsi;

• İcbari tibbi sığortanın tətbiqi və səhiyyənin maliyyələşməsinin təkmilləşdirilməsi istiqamətində analitik sənədlər hazırlamaq, qiymətləndirmələr aparmaq və təkliflər vermək;

• Ölkənin sosial-iqtisadi və demoqrafik göstəriciləri üzrə təhlillər aparmaq, icbari tibbi sığortanın daha effektiv tətbiqi və inkişafı üçün istiqamətlərin müəyyən edilməsinə dair təkliflər hazırlamaq.                                                                                                                

Əlavə məlumatlar:

• İş qrafiki: 5 günlük iş həftəsi (bazar ertəsi-cümə);

• İş vaxtı: 09:00 – 18:00;

• İş yeri: Bakı şəh., Begoc Biznes Mərkəzi.

Müraciət qaydası:

• Vakansiyaya son müraciət tarixi: 15.05.2024-cü il;

• CV-lər cv@its.gov.az ünvanına göndərilməlidir;

• Müraciət etdiyiniz vəzifənin adı “mövzu” bölməsində qeyd edilməlidir;

• Müraciətlər nəzərdən keçiriləcək, yalnız tələblərə cavab verən namizədlərlə əlaqə saxlanılacaqdır.

Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.