İcbari Tibbi Sığorta üzrə Dövlət Agentliyi Naxçıvan filialının rəhbəri vakansiyası elan edir.

Haqqımızda:
İcbari Tibbi Sığorta üzrə Dövlət Agentliyi (bundan sonra – Agentlik), icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri idarə edən, səhiyyə xidmətlərinin alıcısı rolunu oynayan və bununla bağlı zəruri xərclərin ödənilməsini təmin edən publik hüquqi şəxsdir. Agentlik, Azərbaycan Respublikası Prezidentinin 2016-cı il 24 noyabr tarixli, 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;

• Yüksək komanda ruhu və zəngin təcrübə qazanmaq fürsəti;

• Karyera inkişafı üçün yaradılan şərait;

• Rəqabətədavamlı əmək haqqı;

• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil (tibb təhsili olan namizədlərə üstünlük verilir);

• Təcrübə: İqtisadi-maliyyə və ya tibb sahəsində minimum 5 il təcrübə, rəhbər vəzifədə ən azı 2 il təcrübə (Naxçıvan Muxtar Respublikasında iş təcrübəsi mütləqdir);

• Texniki biliklər: Azərbaycan dilində səlis yazı və danışıq bacarığı;

• MS Office proqramlarında (xüsusilə Word və Excel) işləmək bacarığı;

• Maliyyə, mühasibatlıq biliklərinin olması üstünlükdür;

• Şəxsi bacarıqlar: Güclü ünsiyyət, vaxtın idarə olunması və problem həll etmə bacarıqları, liderlik, komandanın idarəedilməsi bacarığı;

Vəzifə öhdəlikləri:

• Filialın fəaliyyətini təşkil etmək və ona rəhbərlik etmək;

• Tibbi-iqtisadi ekspertiza prosesinə nəzarət etmək;

• Departament rəhbəri və ya şöbə müdiri tərəfindən təqdim olunan xidməti tapşırıqları, sənədləri qəbul etmək və fəaliyyət istiqaməti üzrə dövri hesabatların hazırlanmasını təmin etmək;

• Filiala daxil olan məktub, ərizə, şikayət və təkliflərə “Vətəndaş müraciətləri haqqında” Azərbaycan Respublikasının Qanununa uyğun qaydada və müəyyən edilmiş müddətlərdə baxılmasını, Elektron Sənəd Dövriyyəsi sistemi vasitəsilə cavablandırılmasını təmin etmək;

• Agentliyin illik iş planında nəzərdə tutulmuş tədbir və tapşırıqların icrasını təmin etmək.   

İş şəraiti:

• İş qrafiki: Həftə içi 5 günlük iş rejimi (bazar ertəsi – cümə);

• İş yeri: Naxçıvan Muxtar Respublikası.

Seçim mərhələləri:

• Müraciətlərin nəzərdən keçirilməsi

• Müsahibə

Müraciət qaydası:

• Vakansiyaya son müraciət tarixi: 21.10.2025-ci il.

Sizə uğurlar arzu edirik və komandamıza qoşulmağınızı səbirsizliklə gözləyirik!