İcbari Tibbi Sığorta üzrə Dövlət Agentliyi Dərman və tibbi vasitələr şöbəsinin aparıcı məsləhətçisi (maliyyə-iqtisadiyyat üzrə) vakansiyası elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;

• Yüksək komanda ruhu və zəngin təcrübə qazanmaq fürsəti;

• Karyera inkişafı üçün yaradılan şərait;

• Rəqabətədavamlı əmək haqqı;

• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil - Maliyyə, İqtisadiyyat, MBA, Data Analitika ixtisasları üzrə təhsil üstünlükdür;

• Təcrübə: Maliyyə, iqtisadi təhlil, maliyyə hesabatlılığı sahəsində ən azı 3 il iş təcrübəsi;

• Texniki biliklər: İngilis dili – intermediate səviyyəsində, rus dili bilikləri üstünlükdür, yüksək səviyyədə MS Excel və Power Bi bilikləri, Python üzrə biliklərinin olması arzuolunandır;

• Şəxsi bacarıqlar: İnduktiv və analitik təhlil, problemləri həll etmə, komanda ilə işləmə, ünsiyyət, vaxtın idarə olunması, təqdimat bacarıqları.

Vəzifə öhdəlikləri:

• Aptek təşkilatlarına edilən sığorta ödənişlərinin aylıq, rüblük və illik hesabatlılığını təmin etmək;

• Aptek təşkilatları ilə hesablaşmalar zamanı potensial riskləri qiymətləndirərək, onların aradan qaldırılması üçün təkliflər hazırlamaq;

• Toplanmış hesabatlar və statistik göstəricilər əsasında iqtisadi təhlil və analizlər aparmaq;

• Aptek təşkilatlarından alınan hesabatlar üzrə üzləşmə aktlarını yoxlayıb təhlil etmək və ödəniş üçün Maliyyənin müvafiq şöbəsinə təqdim etmək;

• Kreditorlarla hesablaşmaları davamlı izləmək, yaranan problemləri araşdıraraq həllini təmin etmək;

• Şərti kompensasiya məbləğlərini və müştərək maliyyələşmə məbləğini hesablamaq.                                                                                          

İş şəraiti:

• İş qrafiki: Həftə içi 5 günlük iş rejimi (Bazar ertəsi – Cümə);

• İş saatı: Mövcud iş saatlarından birinin seçimi ilə;

• İş yeri: Bakı şəhəri, Begoc Biznes Mərkəzi;

Seçim mərhələləri:

• Müraciətlərin nəzərdən keçirilməsi

• Test mərhələsi

• Müsahibə

Müraciət qaydası:

• Vakansiyaya son müraciət tarixi: 07 noyabr 2025.

Sizə uğurlar arzu edirik və komandamıza qoşulmağınızı səbirsizliklə gözləyirik!