İcbari Tibbi Sığorta üzrə Dövlət Agentliyi Dövlət tibb müəssisələrinin ekspertizası şöbəsinin kiçik mütəxəssis vakansiyası elan edir.

Haqqımızda:
İcbari Tibbi Sığorta üzrə Dövlət Agentliyi (bundan sonra – Agentlik), icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri idarə edən, səhiyyə xidmətlərinin alıcısı rolunu oynayan və bununla bağlı zəruri xərclərin ödənilməsini təmin edən publik hüquqi şəxsdir. Agentlik, Azərbaycan Respublikası Prezidentinin 2016-cı il 24 noyabr tarixli, 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;

• Yüksək komanda ruhu və zəngin təcrübə qazanmaq fürsəti;

• Karyera inkişafı üçün yaradılan şərait;

• Rəqabətədavamlı əmək haqqı;

• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil;

• Təcrübə: Tələb olunmur;

• Texniki biliklər: Ofis proqramları üzrə yaxşı səviyyədə biliklər;

• Şəxsi bacarıqlar: Operativlik, komandada işləmə, vaxtın idarə edilməsi və ünsiyyət bacarıqları.

Vəzifə öhdəlikləri:

• Tibbi-iqtisadi ekspertiza aktlarının hazırlanması;

• Tibbi-iqtisadi ekspertiza aktlarının göndərilməsi və qəbulu axınının izlənməsi;

• Tibbi-iqtisadi ekspertiza aktlarının uçotunun aparılması;

• Statistik və ehtiyacdan asılı olaraq analitik hesabatların hazırlanması.

İş şəraiti:

• İş qrafiki: Həftə içi 5 günlük iş rejimi (Bazar ertəsi – Cümə);

• İş saatı: Mövcud iş saatlarından birinin seçimi ilə;

• İş yeri: Bakı şəhəri, Begoc Biznes Mərkəzi;

Seçim mərhələləri:

• Müraciətlərin nəzərdən keçirilməsi

• Müsahibə

• Vakansiyaya son müraciət tarixi: 24 noyabr 2025;

Sizə uğurlar arzu edirik və komandamıza qoşulmağınızı səbirsizliklə gözləyirik!