İcbari Tibbi Sığorta üzrə Dövlət Agentliyi Səhiyyə iqtisadiyyatı şöbəsinin aparıcı məsləhətçisi vakansiyası elan edir.

Haqqımızda:
İcbari Tibbi Sığorta üzrə Dövlət Agentliyi (bundan sonra – Agentlik), icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri idarə edən, səhiyyə xidmətlərinin alıcısı rolunu oynayan və bununla bağlı zəruri xərclərin ödənilməsini təmin edən publik hüquqi şəxsdir. Agentlik, Azərbaycan Respublikası Prezidentinin 2016-cı il 24 noyabr tarixli, 1125 nömrəli Fərmanı ilə yaradılmışdır.

Təklif etdiyimiz imkanlar:

• Gənc və peşəkar kollektivdə çalışma şansı;

• Yüksək komanda ruhu və zəngin təcrübə qazanmaq fürsəti;

• Karyera inkişafı üçün yaradılan şərait;

• Rəqabətədavamlı əmək haqqı;

• İldə üç dəfə mükafatlandırma sistemi.

Tələb olunan səriştə və təcrübə:

• Təhsil: Ali təhsil (İqtisadiyyat, Səhiyyə iqtisadiyyatı, Ekonometrika və ya əlaqəli digər sahələr üzrə);

• Təcrübə: İqtisadi, analitik, modelləşdirmə və ya tibbi istiqamətdə ən azı 3 illik iş təcrübəsi;

• Texniki biliklər: Microsoft Office proqramları üzrə yaxşı səviyyədə biliklər (əsas Excel, Power Point üzrə), Stata, R və ya Eviews üzrə biliklər;

• Şəxsi bacarıqlar: Komanda işi, Ünsiyyət bacarıqları, Analitik düşünmə və təhlil etmə, Araşdırma və tədqiqat bacarığı, Problem həlletmə;

• Dil bilikləri: Azərbaycan dilində yüksək səviyyədə yazılı və şifahi ünsiyyət, ingilis dili yaxşı səviyyədə.

• Digər tələblər: Ekonometrik modellərin qurulması və tətbiqi, maliyyə və səmərəlilik təhlillərinin aparılması, Tibbi-iqtisadi hesablama modellərinin hazırlanması, Analitik hesabatların və təkliflərin hazırlanması üzrə biliklər;

Vəzifə öhdəlikləri:

• Göstərilən tibbi xidmətlərin analitik təhlillərinin aparılması, proseslərin, xərclərin optimallaşdırılması istiqamətində təkliflərin verilməsi;       

• İcbari tibbi sığortanın tətbiqi və səhiyyənin maliyyələşməsinin təkmilləşdirilməsi istiqamətində analitik sənədlər hazırlamaq, qiymətləndirmələr aparmaq və təkliflər vermək;                                                                               

• Ölkənin sosial-iqtisadi və demoqrafik göstəriciləri üzrə təhlillər aparmaq, icbari tibbi sığortanın daha effektiv tətbiqi və inkişafı üçün istiqamətlərin müəyyən edilməsinə dair təkliflər hazırlamaq;

• İcbari tibbi sığortanın iqtisadi əsaslarına dair məlumatları təhlil etmək və bu sahə üzrə iqtisadi potensialın gücləndirilməsi üçün təkliflər vermək;

• Səhiyyə xidmətlərinin bütün səviyyələri üzrə riyazi və statistik analizlərin aparılması;

• Tibbi-iqtisadi hesablama modellərinin hazırlanması;

• Əsas fəaliyyət göstəricilərinin hesablanması və təhlili;

• Tibbi xidmətlərə tələbin hesablanması, tibb müəssisələrində potensialın dəyərləndirilməsi və səmərəlilik təhlili;

• Tibbi xərclərin proqnozlaşdırılması, müvafiq ekonometrik modellərin qurulması;

• Xərc effektivlik və xərc fayda təhlillərinin edilməsi.                                                                                                                                                                               

İş şəraiti:

• İş qrafiki: Həftə içi 5 günlük iş rejimi (Bazar ertəsi – Cümə);

• İş yeri: Bakı şəhəri, Begoc Biznes Mərkəzi;

Seçim mərhələləri:

• Müraciətlərin nəzərdən keçirilməsi

• Praktiki tapşırıq/test mərhələsi

• Müsahibə

Müraciət qaydası:

• Vakansiyaya son müraciət tarixi: 18 fevral 2026.

Sizə uğurlar arzu edirik və komandamıza qoşulmağınızı səbirsizliklə gözləyirik!