06 İyul 2018 14:44
İcbari Tibbi Sığorta üzrə Dövlət Agentliyi tibb işçiləri üçün yeni imkan yaratmışdır
İcbari Tibbi Sığorta üzrə Dövlət Agentliyi (Agentlik) pilot ərazilərdəki tibb müəssisələrində çalışan həkimlərin Britaniya Tibb Jurnalının (British Medical Journal (BMJ)) “BMJ Best Practice” və “BMJ Learning” adlı onlayn resurslarından ödənişsiz istifadəsini təmin etmişdir. Bu onlayn resurslar həkimlərə peşəkarlıq səviyyələrini, kliniki bacarıqlarını, biliklərini və səhiyyə sahəsindəki yeniliklərlə bağlı məlumatlılığını artırmağa, sübutlara əsaslanmış məlumatlar əsasında araşdırmalar aparmağa kömək edir.
Qeyd etmək lazımdır ki, sözügedən resurslar Azərbaycan Respublikası Səhiyyə Nazirliyinin Elmi-Tibbi Şurası tərəfindən davamlı tibbi təhsilin inkişaf etdirilməsi məqsədi ilə akkreditasiya olunmuşdur.
“BMJ Best Practice” həkimlərə diaqnostika və müalicə ilə bağlı qərarların verilməsində ən son məlumatları asanlıqla əldə etməyi təmin edən onlayn informasiya mənbəyidir. “BMJ Best Practice” istifadəçilərə müxtəlif xəstəliklərin diaqnostikası, proqnozu, müalicəsi və profilaktikası sahəsində sübutlu təbabətin prinsiplərinə əsaslanan araşdırmalar, təlimatlar və ekspert rəyi əsasında gündəlik olaraq yenilənən addımbaaddım təlimatlar təklif edir.
“BMJ Learning” onlayn təlim platforması həkimlərə öz biliklərini yoxlamaq və tibb sahəsindəki son yeniliklərdən xəbərdar olmaq imkanı yaradır. O, 70 ixtisas sahəsi üzrə sübutlara əsaslanan və 1000-ə yaxın resenziya olunmuş distant tibbi təlim kurslarını əhatə edir.
Bu resurslarda həmçinin rezidentlər, xəstəxana və ilkin səhiyyə xidməti həkimləri, tibb təşkilatları, tədqiqatçılar və tibb alimləri üçün nəzərdə tutulan nəşrlər mövcuddur. “BMJ” onlayn jurnalında müxtəlif yoluxucu və qeyri-yoluxucu xəstəliklərin müalicə və diaqnostikası haqqında Azərbaycan, ingilis və rus dillərində daim yenilənən məlumatlar yerləşdirilib. Jurnalda 454 mövzu isə Azərbaycan dilinə tərcümə olunmuşdur.
Onu da qeyd edək ki, Agentliyin “BMJ”-nin Azərbaycan nümayəndəliyinin onlayn resurslardan istifadə qaydaları” ilə bağlı pilot ərazilərdə (Mingəçevir şəhəri, Yevlax və Ağdaş rayonları) təşkil etdiyi təlimlərdə 108 nəfər həkim iştirak etmişdir. Təlimlərdə “BMJ”-nin onlayn resursunda qeydiyyatdan keçmək üçün hər pilot bölgədən BMJ nümayəndəsi seçilmiş və həmin şəxsə resursa giriş kodu və parolu təqdim olunmuşdur.
Xəbərlər
Zaur Əliyev Qubada vətəndaşları qəbul edib
23 Noyabr 2023 16:45
İcbari Tibbi Sığorta üzrə Dövlət Agentliyi media nümayəndələri üçün təlim keçirib
22 Noyabr 2023 16:00
Xəstəxanaların idarəedilməsi sahəsində 60 nəfər rəhbər heyət Türkiyə təcrübəsini öyrənir
14 Noyabr 2023 16:50
“Medinex” və “Beauty Azerbaijan” sərgilərinin açılış mərasimi keçirildi
02 Noyabr 2023 14:00
Süd vəzi müayinəsi icbari tibbi sığorta təminatına daxildir
31 Oktyabr 2023 09:10
İcbari tibbi sığorta ilə LOR əməliyyatları icra olunur
30 Oktyabr 2023 15:00
Zaur Əliyev Lənkəranda vətəndaşları qəbul edib
27 Oktyabr 2023 15:37
İcbari Tibbi Sığorta üzrə Dövlət Agentliyinin məlumatı
26 Oktyabr 2023 12:08
Xüsusi qayğıya ehtiyacı olan şəxslər üçün tibbi aksiyalar keçirilib
20 Oktyabr 2023 12:30
İcbari Tibbi Sığorta üzrə Dövlət Agentliyi informasiya sistemlərini “Hökumət buludu”na köçürüb
10 Oktyabr 2023 11:07