10 Oktyabr 2017 11:56
İcbari Tibbi Sığorta üzrə Dövlət Agentliyinin direktoru Zaur Əliyev: ”Türkiyədə tibbi təhsil alan gənclərin ölkəmizdə səhiyyənin inkişafına töhfə verəcəklərinə ümid bəsləyirik”
Türkiyədə fəaliyyət göstərən Azərbaycanlı Həkimlər Dərnəyinin və ölkəmizin Ankaradakı səfirliyinin Təhsil Müşavirliyi ilə birgə 7-8 oktyabr tarixlərində Ankara şəhərində təşkil etdiyi "Nümunəvi Həkim Olmağa Doğru 5" forumunda hər iki ölkənin dövlət strukturları, eləcə də nüfuzlu təhsil və səhiyyə qurumlarının nümayəndələri çıxış ediblər.
İcbari Tibbi Sığorta üzrə Dövlət Agentliyinin direktoru Zaur Əliyev forum iştirakçılarına Mingəçevir şəhərində və Yevlax rayonunda tətbiq olunan pilot layihə haqqında geniş məlumat verib və bildirib ki, xaricdə təhsil alıb ölkəmizə qayıdanların sayı çoxdur.
“Türkiyədə tibb elminin inkişafından bəhrələnərək öz ölkəmizə yüksək ixtisaslı kadrlar olaraq xidmət edəcəyinizə, öyrəndiklərinizlə Azərbaycanda səhiyyənin inkişafına öz töhfənizi verəcəyinizə böyük ümid bəsləyirik. Hədəfimiz odur ki, qurduğumuz sistem işləsin, həkimlərimiz nüfuz qazansın. İcbari Tibbi Sığorta üzrə Dövlət Agentliyi Azərbaycanda səhiyyənin şəffaf maliyyələşmə sistemini yaradır. Ölkəmizdə pilot layihə kimi tətbiq olunan icbari tibbi sığorta sistemi həkimlərin layiqli əmək haqqı ilə təmin olunması üçün zəmin yaradır. Pilot ərazilərdə bonus sistemi tətbiq etmişik və tibb işçiləri layiqli əmək haqqı alır”.
Agentlik direktoru bildirib ki, ölkədəki xəstəxanalarda ən müasir şərait yaradılıb. Onun sözlərinə görə, ölkəmizdə peşəkar həkimlərə ehtiyac var: “Hazırda əhalinin müəyyən qrupu müalicə üçün xaricə üz tutur. Həmin qrupun ölkə səhiyyəsinə, həkimlərinə etibarını qaytarmaq, öz səhhətlərini Azərbaycan həkimlərinə etibar etmələrinə nail olmaq üçün sizlərin köməyinə ehtiyacımız var”.
Oktyabrın 9-da isə Türkiyə Respublikasının səhiyyə naziri Əhməd Dəmircan Azərbaycan nümayəndə heyətini qəbul edib. Nümayəndə heyətinin tərkibində Naxçıvan MR-in səhiyyə naziri Niyazi Novruzov, İcbari Tibbi Sığorta üzrə Dövlət Agentliyinin direktoru Zaur Əliyev, Azərbaycanın Ankaradakı səfirliyinin təhsil müşaviri Nəcibə Nəsibova, Azərbaycan Tibb Universitetinin prorektoru Rauf Bəylərov, Azərbaycanlı Həkimlər Dərnəyinin rəhbəri Şahin Xanəlioğlu, habelə Türkiyədə təhsil almış və hazırda ölkəmizdə çalışan tanınmış həkimlər iştirak ediblər. Görüşdə Azərbaycanda və Türkiyədə icbari tibbi sığortanın tətbiqi ilə bağlı məsələlər müzakirə olunub.
Xəbərlər
Agentliyin İdarə Heyəti sədrinin müavini “Caspian Energy Club”un “Online B2G Forum”unda iştirak edib
23 Fevral 2021 16:36
2021-ci ilin yanvar ayı ərzində icbari tibbi sığorta çərçivəsində 800 mindən çox tibbi xidmət göstərilib
22 Fevral 2021 12:09
Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin MƏLUMATI
16 Fevral 2021 09:45
Agentliyin “1542” Çağrı mərkəzinə ötən il 133 574 müraciət daxil olub
12 Fevral 2021 10:31
Agentliyin İdarə Heyətinin sədri Zaur Əliyev Gəncə şəhərində icbari tibbi sığortanın tətbiqi istiqamətində görülən işlərlə tanış olub
11 Fevral 2021 14:21
COVID-19 xəstəliyi əleyhinə vaksinasiya üçün elektron xidmət istifadəyə verilib
05 Fevral 2021 14:29
İcbari tibbi sığortanın 2020-ci il üzrə tətbiqi ilə bağlı mətbuat konfransı keçirilib
04 Fevral 2021 11:14
Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin məlumatı
03 Fevral 2021 08:23
2020-ci il ərzində İcbari Tibbi Sığorta üzrə Dövlət Agentliyinə 16174 vətəndaş müraciəti daxil olub
01 Fevral 2021 11:35
Agentliyin konsolidə olunmuş maliyyə hesabatlarına dair kənar auditor rəyi ilə bağlı açıqlaması
29 Yanvar 2021 16:17