09 Avqust 2019 11:42
“Körpə dostu klinikasında ana südü ilə qidalandırmanın dəstəklənməsi və təşviqi” mövzusunda təlim keçirilib
İcbari Tibbi Sığorta üzrə Dövlət Agentliyi (Agentlik) ilə Birləşmiş Millətlər Təşkilatının Uşaq Fondunun (UNICEF) birgə icrasına başladığı “Körpə Dostu Klinikası” təşəbbüsü çərçivəsində 2019-cu il 23-25 iyul, 31 iyul - 02 avqust tarixlərində Mingəçevir şəhər Mərkəzi Xəstəxanasında “Körpə dostu klinikasında ana südü ilə qidalandırmanın dəstəklənməsi və təşviqi” mövzusunda təlim keçirilib. Mingəçevir şəhər, Yevlax və Ağdaş rayon Mərkəzi Xəstəxanalarının həkim və orta tibb heyəti üçün təşkil olunan təlim tibb müəssisələrində “Körpə Dostu Klinikası” Standartlarının tətbiqinə hazırlıq məqsədi daşıyıb.
Təlim proqramı bir sıra mövzuları əhatə edib: ana südü ilə qidalandırmanın təşviqi, süni qida vasitələrinin, əmzikli şüşələrin və əmziklərin təbliğatının aparılmaması, ana südü ilə qidalandırmaya dair tibb işçilərinin nəzəri bilik və praktiki bacarıq səviyyələrinin artırılması, körpələrdə olan xüsusi vəziyyətlər və ananın sağlamlığı ilə bağlı narahatlıqlar.
Təlim zamanı iştirakçılara ana südü ilə qidalandırılmanın həm körpə, həm də ana üçün əhəmiyyəti və qidalandırma zamanı yaranan çətinliklərin həlli yolları barədə məlumatlar verilib.
Həmçinin, “Körpə Dostu Klinikası” təşəbbüsü çərçivəsində pilot ərazilərdə fəaliyyət göstərən mərkəzi xəstəxanaların doğum şöbələrində “Analar Klubu”-nun yaradılması nəzərdə tutulub. Bu məqsədlə 8 avqust 2019-cu il tarixində ana südü ilə qidalanma üzrə məsləhətçi və Agentliyin məsul əməkdaşı pilot ərazilərə səfər ediblər. Səfər müddətində “Analar Klubu”-nun yaradılması və ana südü ilə qidalandırmanın əhəmiyyəti barədə anaların maarifləndirilməsi planlaşdırılıb.
“Körpə Dostu Klinikası” Standartlarının pilot ərazilərdə xidmət göstərən tibb müəssisələrində tətbiqi ana və uşaq sağlamlığının qorunması, sübutlu təbabət prinsiplərinə əsaslanan yanaşmanın icrası, ana südü ilə qidalandırmanın təşviqi və dəstəklənməsi, habelə süni qida məhsullarının, əmzikli şüşələrin və əmziklərin aqressiv marketinqi ilə uğurlu mübarizəsi üçün əsaslı zəmin yaradır.
Qeyd edək ki, 16 yanvar 2019-cu il tarixində Agentlik və UNICEF arasında qarşılıqlı əməkdaşlığa dair Anlaşma Memorandumu imzalanıb. Memorandum ana və uşaqların sağlamlığının qorunması istiqamətində aparılan tədbirlərin əhatə dairəsinin genişləndirilməsi məqsədinə xidmət edir.
Xəbərlər
İcbari tibbi sığorta ilə 182 000-dən artıq doğuş aparılıb
16 İyul 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 İyul 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 İyul 2024 11:11
Tiroidektomiya əməliyyatı icbari tibbi sığorta ilə ödənişsizdir
05 İyul 2024 10:25
İcbari tibbi sığorta ilə qasıq yırtığı açıq və laparoskopik üsulla bərpa olunur
01 İyul 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 İyun 2024 10:51
İcbari tibbi sığorta ilə 540 splenektomiya əməliyyatı icra olunub
24 İyun 2024 14:52
Zaur Əliyev Goranboy şəhərində vətəndaşları qəbul edib
21 İyun 2024 17:00
İcbari tibbi sığorta uşaqlığın çıxarılması əməliyyatını qarşılayır
21 İyun 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 İyun 2024 14:49