21 Aprel 2022 16:37
ADA Universitetində “İcbari Tibbi Sığorta üzrə Dövlət Agentliyi üçün Potensialın Gücləndirilməsi Proqramı”na start verilib
ADA Universitetində “İcbari Tibbi Sığorta üzrə Dövlət Agentliyi üçün Potensialın Gücləndirilməsi Proqramı”na start verilib. ADA Universiteti ilə Agentlik arasında imzalanan memorandum çərçivəsində həyata keçirilən proqramın açılış mərasimində Agentliyin İdarə Heyəti sədrinin müavini Nigar Bayramova, Tibbi Ərazi Bölmələrini İdarəetmə Birliyinin (TƏBİB) İdarə Heyəti sədri vəzifəsini icra edən Vüqar Qurbanov, ADA Universitetinin prorektoru və İnkişaf və Diplomatiya İnstitutunun direktoru Fariz İsmayılzadə, İnstitutun direktor müavini Aygün Hacıyeva və Agentliyin İnsan resurslarının idarəedilməsi və inkişafı departamentinin rəhbəri Müşfiq Əmircanov iştirak ediblər.
İştirakçıları salamlayan N.Bayramova təlim proqramının Agentlik və TƏBİB-in əməkdaşlarının peşəkar fəaliyyətlərinin inkişafına töhfə verəcəyinə əminliyini vurğulayıb: “Təlim proqramı çərçivəsində əməkdaşlarımız komandaların idarəedilməsi və motivasiya, strateji planlama və onun həyata keçirilməsi, qətiyyətli liderlik, böhran kommunikasiyasının idarəedilməsi, eləcə də layihələrin idarəedilməsi, çevik idarəçilik, danışıqların aparılması bacarıqları və digər istiqamətlərdə bilik və təcrübə əldə edəcəklər. Təlimdən əldə olunan biliklər əməkdaşların uğurlu fəaliyyətinə də müsbət təsir etmiş olacaq”.
Qeyd edək ki, təlim proqramı şöbə müdirləri, koordinator/baş məsləhətçilər, rəqəmsal transformasiya/data elmi üzrə mütəxəssislərdən ibarət 3 fərqli hədəf qrupu üçün nəzərdə tutulub. İlkin olaraq şöbə müdirləri üçün daha sonra isə koordinator/baş məsləhətçi və rəqəmsal transformasiya/data elmi üzrə təlimlərə başlanılacaq. Təlimlərdə Agentliyin 70 əməkdaşının iştirakı nəzərdə tutulub.
Xəbərlər
İlkin səhiyyə xidməti təkmilləşdirilir
24 Aprel 2024 10:15
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00