Yerləşdirilmə tarixi: 09.06.2023
Son müraciət tarixi: 25.06.2023

Agentlik İnsan resursları mütəxəssisi vakansiyasını elan edir

İcbari Tibbi Sığorta üzrə Dövlət Agentliyi İnsan resursları mütəxəssisi (biznes səfərlərin təşkili üzrə) vakansiyasını elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;

• Yüksək komanda ruhunda əməkdaşlıq və zəngin təcrübənin qazanılması;

• Karyera irəliləyişlərində yaradılan şərait;

• Rəqabətədavamlı əmək haqqı;

• İldə üç dəfə mükafat.

Görəcəyiniz işlər:

• Agentliyin əməkdaşlarının daxili və xarici ezamiyyələri zamanı Agentliyin əməkdaşlıq etdiyi müəssisələr ilə birbaşa işləyərək aviabiletlərin bron edilməsi, alınması üçün sifarişlərin verilməsi və aidiyyəti işlərin görülməsi;

• Səfərlərin rəsmiləşdirilməsi üçün əsaslandırıcı sənədlərin toplanması;

• Viza tələbi olan ölkələrə ezamiyyələr zamanı Agentliyin əməkdaşları üçün vizanın alınması ilə bağlı proseslərdə dəstəyin göstərilməsi;

• Ezam səfərləri zamanı əməkdaşların mehmanxanada yerləşdirilməsi üçün uyğun təkliflərin hazırlanıb təqdim edilməsi və bu prosesin koordinasiya edilməsi;

• Ezam səfərləri zamanı əməkdaşlara zəruri dəstəyin göstərilməsi;

• Aidiyyəti üzrə daxil olmuş məktubların ESD üzərindən cavablandırılması;

• Tabe olduğu Təlim, inkişaf və qiymətləndirmə şöbəsinin cari fəaliyyətində aşağıdakı istiqamətlərdə dəstəyin göstərilməsi;

• Onlayn və oflayn təlimlərlə bağlı sorğuların və təhlillərin həyata keçirilməsi;

• Agentlik əməkdaşlarının təlim və inkişafı ilə əlaqədar müxtəlif məzmunlu tədbirlərdə iştirakının koordinasiya edilməsi;

• Təlim, inkişaf fəaliyyətləri ilə bağlı keçirilmiş tədbir və fəaliyyətlərin uçotunun aparılması;

• Ehtiyac yarandıqda departamentin fəaliyyət istiqaməti ilə bağlı layihələrdə aktiv iştirak etmək.

Bizim üçün uyğun namizəd:

• Ali təhsil (turizm istiqamətində olması üstünlükdür);

• Müəssisələrdə səyahətlərin, səfərlərin təşkili üzrə minimum 1 il iş təcrübəsi (insan resursları sahəsində iş təcrübəsi üstünlükdür);

• Səyahətlərin tənzimlənməsi üzrə tələb olunan prosedurlar barədə ətraflı bilik və bacarıqlar;

• Səfərlərin təşkili üçün müxtəlif mənbələrdən (trivago, airbnb, booking.com və s.) axtarışların aparılması və səfərlərin qrafikləşdirilməsi üzrə texniki bacarıqlar;

• Yüksək səviyyədə kommunikasiya və müştəri xidməti bacarıqları;

• Yüksək səviyyədə təşkilatçılıq, detallara diqqət və analiz etmə bacarıqları;

• Microsoft Ofis proqramlarında yaxşı səviyyədə işləmək bacarığı (xüsusilə, Excel);

• Azərbaycan və rus dilində yüksək səviyyədə yazılı və şifahi ünsiyyət bacarığı;

• İngilis dilində yaxşı səviyyədə yazılı ünsiyyət bacarığı;

• Xarici ölkələrə səfər təcrübəsinin olması üstünlükdür.

Əlavə məlumatlar:

• İş yeri: Lev Tolstoy 170;

• İş qrafiki: 5 günlük iş həftəsi;

• İş vaxtı: 09:00 – 18:00.

Müraciət qaydası:

• Vakansiyaya son müraciət tarixi 25.06.2023-cü il;

• CV-lər cv@its.gov.az ünvanına göndərilməlidir;

• Müraciət etdiyiniz vəzifənin adı “mövzu” bölməsində qeyd edilməlidir;

• Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.

Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.