Yerləşdirilmə tarixi: 11.03.2024
Son müraciət tarixi: 26.03.2024

Agentlik Layihələrin idarəolunması şöbəsinə vakansiya elan edir

İcbari Tibbi Sığorta üzrə Dövlət Agentliyi Layihələrin idarəolunması şöbəsinin məsləhətçisi vakansiyası elan edir.

İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.

Biz nə təklif edirik:

• Gənc və peşəkar kollektivdə çalışmağın üstünlüyü;

• Yüksək komanda ruhunda əməkdaşlıq və zəngin təcrübənin qazanılması;

• Karyera irəliləyişlərində yaradılan şərait;

• Rəqabətədavamlı əmək haqqı;

• İldə üç dəfə mükafat.

Bizim üçün uyğun namizəd:

• Ali təhsil (maliyyə, iqtisadiyyat, biznesin təşkili, səhiyyə və idarəetmə sahələri üzrə olması üstünlükdür);

• Layihələrin idarəolunması sahəsində minimum 2 il iş təcrübəsi;

• Layihələrin idarəolunması üzrə proqram təminatlarında istifadə təcrübəsi arzuolunandır;

• PMP, PMO və ya PMI sertifikatlarının olması üstünlükdür;

• Yaxşı səviyyədə İngilis dili biliyi;

• MS Office proqramlarından peşəkar səviyyədə istifadə bacarığı;

• Vaxtın idarə olunması bacarığı;

• Yüksək səviyyədə təqdimetmə və ünsiyyət bacarıqları.

Görəcəyiniz işlər:

• Layihə tələblərini və məqsədlərini müəyyən etmək üçün daxili müştərilərlə əlaqə saxlamaq;

• Büdcə daxilində qalmaq üçün layihə xərclərinə nəzarət etmək;

• Layihənin mərhələləri və nəticələrinin izlənməsi;

• Layihə sənədlərinin hazırlanması;

• Layihə planlarına dəyişikliklərin təklif edilməsi, nəzərdən keçirilməsi və təsdiq edilməsi.

Əlavə məlumatlar:

• İş qrafiki: 5 günlük iş həftəsi;

• İş vaxtı: 09:00 – 18:00;

• İş yeri: Bakı şəh., Begoc Biznes Mərkəzi.

Müraciət qaydası:

• Vakansiyaya son müraciət tarixi: 26.03.2024-cü il;

• CV-lər cv@its.gov.az ünvanına göndərilməlidir;

• Müraciət etdiyiniz vəzifənin adı “mövzu” bölməsində qeyd edilməlidir;

• Müraciətlər nəzərdən keçiriləcək, yalnız tələblərə cavab verən namizədlərlə əlaqə saxlanılacaqdır.

Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.