19 May 2023 14:00

Agentliyin əməkdaşları böhran vəziyyətləri barədə məlumatlandırılıb

İcbari Tibbi Sığorta üzrə Dövlət Agentliyinin (Agentlik) İdarə Heyətinin 10 may 2022-ci il tarixli 16 nömrəli Qərarı ilə təsdiq edilən “Böhran vəziyyətlərinin kommunikasiya planı”nına uyğun olaraq Agentliyin əməkdaşları üçün böhran vəziyyətləri barədə məlumatlandırma sessiyası keçirilib.

Agentliyin Marketinq və ictimaiyyətlə əlaqələr departamentinin rəhbəri Aynurə Əhmədova böhran vəziyyətlərinin idarəedilməsi və kommunikasiya planı mövzularında təqdimatla çıxış edib. İştirakçılara böhranlar və onların təsnifatı, böhran vəziyyətlərinin mərhələləri, cavab tədbirlərində əsas tutulmalı olan prinsiplər və s. barədə məlumat verilib.

Sonda böhran vəziyyətlərinin idarəedilməsi ilə əlaqədar Agentliyin nümayəndələrindən ibarət İşçi Qrupu sözügedən kommunikasiya planından irəli gələn məsələləri müzakirə ediblər.

Zəng sifariş et