Yerləşdirilmə tarixi: 01.07.2022
Son müraciət tarixi: 10.08.2022
Agentliyin Şəki və Mingəçevir filialları üçün filial müdiri üzrə vakansiya elan edilir
İcbari Tibbi Sığorta üzrə Dövlət Agentliyi Şəki və Mingəçevir filialları üçün filial müdiri vəzifəsi üzrə vakansiya elan edir.
İcbari Tibbi Sığorta üzrə Dövlət Agentliyi (bundan sonra – Agentlik) icbari tibbi sığortanın tətbiqini təmin edən, Xidmətlər Zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən publik hüquqi şəxsdir. Agentlik Azərbaycan Respublikası Prezidentinin 2016-cı il 24 noyabr tarixli 1125 nömrəli Fərmanı ilə yaradılmışdır.
Biz nə təklif edirik:
Gənc və peşəkar kollektivdə çalışmağın üstünlüyü;
Yüksək komanda ruhunda əməkdaşlıq və zəngin təcrübənin qazanılması;
Karyera irəliləyişlərində yaradılan şərait;
Rəqabətədavamlı əmək haqqı.
Görəcəyiniz işlər:
Müvafiq xəstəxanalarda sığorta işinin təşkili sahəsində metodiki köməkliyin göstərilməsi;
Vətəndaş müraciətlərinə baxılması və şikayətlərin yerində araşdırılması;
Agentlik tərəfindən verilmiş səlahiyyət əsasında tibbi xidmətlərin keyfiyyətinin yoxlanılması məqsədilə monitorinqin aparılması;
Xəstəxanalarla bağlanmış müqavilələrin icrasına nəzarətin həyata keçirilməsi və tələblərin təmin edilməsi barədə Agentliyə məlumatın təqdim edilməsi;
Agentlik tərəfindən verilmiş səlahiyyət əsasında və müəyyən edilmiş qaydada tibbi ekspertiza işinin aparılmasının təmin edilməsi;
Tibb müəssisələrində icbari tibbi sığorta ilə bağlı proseslərin avtomatlaşdırılmasına, habelə icbari tibbi sığorta sahəsinin İT infrastrukturunun təkmilləşdirilməsinə dəstək göstərmək;
Heyətə effektiv rəhbərliyin təmin edilməsi;
Filialın səmərəli işinin təmin edilməsi;
Agentliyin İdarə Heyətinə filialın fəaliyyəti, çatışmazlıqlar və s. barədə mütəmadi hesabatın təmin edilməsi.
Bizim üçün uyğun namizəd:
Ali tibb təhsili;
5 ildən az olmayaraq ümumi əmək stajı (dövlət müəssisələrində ən az 2 il rəhbər vəzifəsində iş təcrübəsi)
İdarəetmə, analitik, yüksək ünsiyyət, təşkilatçılıq, komandada işləmə bacarıqları;
Satınalma, təchizat, müqavilə proseslərindən xəbərdar olmaq;
Ofis proqramları üzrə biliklər;
İntizamlılıq və nəticəyönümlülük;
Ünsiyyət və təşkilatçılıq bacarığı;
Stressə qarşı davamlılıq;
Səhiyyə sahəsində mövcud qanunvericilik üzrə biliyin olması üstünlükdür.
Əlavə məlumatlar:
İş qrafiki: 5 günlük iş həftəsi;
İş vaxtı: 09:00 – 18:00.
Müraciət qaydası:
Vakansiyaya son müraciət tarixi: 10.08.2022-ci il;
CV-lər cv@its.gov.az ünvanına göndərilməlidir [1] ;
Müraciət etdiyiniz vəzifənin adı və bölgə filialını “mövzu” bölməsində qeyd edilməlidir;
Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.
[1] Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.
Vakansiyalar
Agentlik Tibbi ekspertiza şöbəsinə vakansiya elan edir
30 Yanvar 2023 12:55
Agentlik Proqramlaşdırma şöbəsinə Back-End Developer istiqaməti üzrə məsləhətçi/baş məsləhətçi vakansiyası elan edir
27 Yanvar 2023 15:39
Agentlik Strateji təhlil departamentinin rəhbəri vəzifəsi üzrə vakansiya elan edir
23 Yanvar 2023 17:57
Agentlik Daxili audit xidmətinin rəhbəri vəzifəsi üzrə vakansiya elan edir
23 Yanvar 2023 14:35
Agentlik Göndərişlər şöbəsinə vakansiya elan edir
12 Yanvar 2023 10:24
Agentlik İctimaiyyətlə əlaqələr şöbəsinin məsləhətçisi vakansiyasını elan edir
05 Yanvar 2023 14:28
İcbari Tibbi Sığorta üzrə Dövlət Agentliyi Maliyyə departamenti, Mühasibatlıq və xəzinədarlıq şöbəsinin aparıcı məsləhətçisi/baş məsləhətçisi vakansiyasını elan edir
30 Dekabr 2022 15:13
Agentlik Şəmkir filialının müdiri vəzifəsi üzrə açıq vakansiya elan edir
30 Dekabr 2022 09:36
İcbari Tibbi Sığorta üzrə Dövlət Agentliyi İngilis dili müəllimi vəzifəsi üzrə açıq vakansiya elan edir
30 Dekabr 2022 09:31
Agentlik İnformasiya sistemlərinin dəstəklənməsi şöbəsinə vakansiya elan edir
12 Dekabr 2022 11:06