25 Yanvar 2023 16:35
“Heydər Əliyev – icbari tibbi sığorta haqqında qanunun banisi kimi” mövzusunda tədbir keçirilib
İcbari Tibbi Sığorta üzrə Dövlət Agentliyi (Agentlik) tərəfindən “Heydər Əliyev İli” çərçivəsində keçiriləcək tədbirlərə start verilib. İlk tədbir “Heydər Əliyev – icbari tibbi sığorta haqqında qanunun banisi kimi” mövzusunda baş tutub.
Tədbirdə açılış nitqi ilə çıxış edən Agentliyin İdarə Heyətinin sədri Zaur Əliyev aparılan islahatların nəticəsində bu gün ölkəmizin sosial sferada sürətlə inkişaf etdiyini bildirib: “Əlbəttə ki, bu inkişaf yolunun bir başlanğıcı olmuşdur. Azərbaycan Respublikasının inkişafının təməli xalqımızın Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin adı ilə bağlıdır”.
Z.Əliyevin sözlərinə görə, görkəmli siyasi xadim səhiyyə sahəsində mövcud olan problemlərin həllinə qanunvericilik bazasının möhkəmləndirilməsindən başlamışdır: “Heydər Əliyevin xüsusi diqqət və qayğısı sayəsində müstəqillik dövründə ölkəmizdə səhiyyənin inkişafı və əhalinin sağlamlığının qorunması sahəsində əhəmiyyətli nailiyyətlər əldə etmək mümkün oldu. “Əhalinin sağlamlığının qorunması haqqında”, icbari tibbi sığortanın tətbiqini təşkilati, hüquqi və iqtisadi əsaslarla müəyyən edən “Tibbi sığorta haqqında”, “Özəl tibb fəaliyyəti haqqında” qanunların qəbulu məhz Heydər Əliyevin hakimiyyəti dövrünə təsadüf edirdi. Zamanında görülən işlərin nəticəsidir ki, bu gün Ümummilli Liderin layiqli davamçısı cənab Prezident İlham Əliyevin rəhbərliyi ilə respublikanın bütün ərazisində icbari tibbi sığorta tətbiq olunur”.
Agentliyin Marketinq və tədbirlər şöbəsinin əməkdaşı Emil Lətifov Heydər Əliyev şəxsiyyətinin xalqımızın həyatında, müstəqil dövlətçilik tariximizdə misilsiz yeri və rolu haqqında tədbir iştirakçılarına məlumat verərək, Ümummilli Liderin siyasi fəaliyyətinin müxtəlif dövrlərinə nəzər salıb: “Heydər Əliyevin milli ideoloji dəyərlər sistemininin bir hissəsini də insanların səhhəti, xalqın sağlam gələcəyi təşkil edirdi. Elə bu səbəblə də Heydər Əliyev, siyasi hakimiyyətinin ilk illərindən etibarən əhalinin sağlamlığının qorunması sahəsində problemlərin həllinə başlamışdı. Bu siyasətin nəticəsidir ki, son illərdə ölkəmizin bütün səhiyyə obyektlərinin, tibb elmi və tibb təhsili müəssisələrinin maddi-texniki bazası, infrastrukturu müasirləşib, elmi potensialı daha da güclənib”.
Sonda E.Lətifovun müəllifi olduğu Ulu Öndər haqqında qısa filmin nümayişi olub.
Xəbərlər
Müddətli həqiqi hərbi xidmətə çağırılanların tibbi müayinəsi ilə bağlı pilot layihəyə start verilir
30 Aprel 2024 12:15
İlkin səhiyyə xidməti təkmilləşdirilir
24 Aprel 2024 10:15
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23