26 Sentyabr 2018 16:54
İcbari Tibbi Sığorta üzrə Dövlət Agentliyi jurnalistlər üçün təlim keçirib
26 sentyabr 2018-ci il tarixində İcbari Tibbi Sığorta üzrə Dövlət Agentliyinin təşkilatçılığı ilə ölkənin aparıcı media nümayəndələri üçün “KİV nümayəndələrinin icbari tibbi sığorta sahəsində məlumatlılığının artırılması” mövzusunda təlim keçirilib. Təlimin əsas məqsədi media institutları ilə peşəkar kommunikasiyanı gücləndirməkdən, jurnalistlərin icbari tibbi sığorta (İTS) və səhiyyənin maliyyələşməsi haqqında məlumatlılıq səviyyəsini yüksəltməkdən ibarətdir.
Təlimdə Agentliyin departament rəhbərləri Araz Nəsirov, Vüqar Qurbanov, Aysel İbayeva, Aynurə Əhmədova, şöbə müdirləri Şərafət İsmayılova, Sadiq Mədətov və Avropa İttifaqının “Azərbaycanda icbari tibbi sığorta sisteminin tətbiqinə dəstək” Tvininq layihəsinin rezident müşaviri Qediminas Çerniauskas İTS-nin tətbiqində beynəlxalq təcrübə, əhalinin sağlamlığının qorunmasında İTS-nin rolu, İTS-nin pilot ərazilərdə tətbiqi, əldə olunan ilkin nəticələr, baza zərfi və istisnalar paketi, Azərbaycanda ilkin səhiyyə xidmətinin təşkili, pilot ərazilərdəki tibb müəssisələrində çalışan tibb işçilərinin İTS sisteminə münasibəti mövzularında təqdimatlarla çıxış ediblər.
Daha sonra “Əhalinin sağlamlığının qorunmasında icbari tibbi sığortanın rolu” mövzusunda yazı, “İcbari tibbi sığorta həyatımda nəyi dəyişəcək?” və ya “İcbari tibbi sığorta nədir?” mövzularında sosial videoçarx müsabiqələrinin şərtləri barədə təlim iştirakçılarına ətraflı məlumat verilərək jurnalistlər müsabiqələrdə iştiraka dəvət ediliblər. Müsabiqələrin şərtləri Agentliyin rəsmi internet səhifəsində yerləşdirilib.
Təqdimatlardan sonra sual-cavab sessiyası təşkil olunub və jurnalistləri maraqlandıran suallar Agentliyin əməkdaşları tərəfindən cavablandırılıb.
Sonda təlim iştirakçılarına sertifikatlar təqdim olunub.
Xəbərlər
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55