22 Aprel 2022 10:54
Həkimlər üçün “COVID-19 pandemiyası zamanı hamilələr və yenidoğulmuşlar” mövzusunda seminar keçirilib
22 aprel 2022-ci il tarixində İcbari Tibbi Sığorta üzrə Dövlət Agentliyi (Agentlik), Koreya Beynəlxalq Əməkdaşlıq Agentliyinin (KOICA) Azərbaycan Nümayəndəliyi, Tibbi Ərazi Bölmələrini İdarəetmə Birliyi (TƏBİB) və Akademik M.Ə.Mirqasımov adına Respublika Klinik Xəstəxanasının birgə təşkilatçılığı ilə həkimlər üçün seminar keçirilib.
“COVID-19 pandemiyası zamanı hamilələr və yenidoğulmuşlar” mövzusunda həkimlərin bilik və bacarıqlarının artırılması məqsədi ilə keçirilən seminarda pediatr, neonatoloq və infeksionist ixtisası üzrə çalışan 50-dən çox həkim iştirak edib.
Tədbirdə açılış nitqi ilə çıxış edən Respublika Klinik Xəstəxanasının direktoru Azər İsmayılov Azərbaycanda COVID-19 infeksiyasına qarşı aparılan mübarizə çərçivəsində həyata keçirilən tədbirlər və pandemiyanın ölkə iqtisadiyyatına mənfi təsirinin azaldılması istiqamətində görülən işlərdən danışıb. Koronavirusla mübarizədə həkimlərin və tibb işçilərinin yüksək fədakarlıq göstərərək çalışdıqlarını bildirib. A.İsmayılov əlavə edib ki, tibb işçilərini bir araya gətirən belə tədbirlər həm də tibb sahəsində müxtəlif yeniliklər haqqında fikir mübadiləsinin aparılmasına və həkimlərin öz təcrübələrini bir-biri ilə bölüşməsinə imkan yaradır.
Daha sonra KOICA Azərbaycan Nümayəndəliyinin direktoru Mun Conq Hyun çıxış edərək Azərbaycandakı səhiyyə qurumları ilə səmərəli əməkdaşlıqdan məmnunluğunu ifadə edib. Qeyd olunub ki, pandemiya dövründə infeksiyanın qarşısının alınması prosesi sahəsində ixtisaslaşmış ölkələrin öz təcrübələrini digər ölkələrlə bölüşməsi koronavirusla mübarizədə olduqca əhəmiyyət kəsb edir. Bildirilib ki, pandemiya dövründə KOICA tərəfindən koronavirusla mübarizə mövzusunda həkimlər və orta-tibb işçiləri üçün mütəmadi olaraq onlayn seminarlar təşkil olunub. Daha sonra tədbirdə Milli Məclisin Səhiyyə komitəsinin üzvü İlham Məmmədov, TƏBİB-in İdarə Heyəti sədrinin müşaviri Elmir Bəşirov və Tibbi fəaliyyətin təşkili departamentinin rəhbəri Teymur Mirzəbəyli çıxış ediblər.
Seminarda 3 nömrəli Şəhər Klinik Xəstəxanası, Respublika Perinatal Mərkəzi, Klinik Tibbi Mərkəzi, K.Fərəcova adına Elmi-Tədqiqat Pediatriya İnstitutu, Elmi-Tədqiqat Mamalıq və Ginekologiya İnstitutu və digər tibb müəssisələrinin həkimləri iştirak edib.
Tədbirdə “COVID-19 infeksiyasının dölə teratogen təsiri”, “COVID-19-un hamilələrdə kliniki gedişatı”, “COVID-19 keçirən hamilələrdə feto-plasentar dəyişkənliklər”, “Hamiləlikdə COVID-19 infeksiyası ilə əlaqəli suallar və cavablar”, “Yenidoğulmuşlarda MİS-N sindromu”, “Pandemiyada hamilələrə yanaşmamız”, “Hamiləlikdə COVID-19 ilə bağlı trombotik ağırlaşmalar”, “COVID-19 infeksiyasının hamiləlik ve dölə təsiri”, “COVID-19 keçirmiş analardan doğulan yenidoğulmuşların qidalanması” mövzularında təqdimatlar dinlənilib.
Qeyd edək ki, seminar cari ilin 4 aprel tarixində Agentlik və KOICA arasında imzalanmış Anlaşma Memorandumu çərçivəsində keçirilib. Anlaşma Memorandumu Azərbaycanda COVID-19 pandemiyasına qarşı cavab tədbirlərinin gücləndirilməsi istiqamətlərini əhatə edir. İstiqamətlərdən biri də COVID-19 pandemiyası dövründə hamilələr və yenidoğulmuşlar üzrə maarifləndirmə kampaniyasının təşkilidir.
Xəbərlər
İcbari tibbi sığorta ilə 182 000-dən artıq doğuş aparılıb
16 İyul 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 İyul 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 İyul 2024 11:11
Tiroidektomiya əməliyyatı icbari tibbi sığorta ilə ödənişsizdir
05 İyul 2024 10:25
İcbari tibbi sığorta ilə qasıq yırtığı açıq və laparoskopik üsulla bərpa olunur
01 İyul 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 İyun 2024 10:51
İcbari tibbi sığorta ilə 540 splenektomiya əməliyyatı icra olunub
24 İyun 2024 14:52
Zaur Əliyev Goranboy şəhərində vətəndaşları qəbul edib
21 İyun 2024 17:00
İcbari tibbi sığorta uşaqlığın çıxarılması əməliyyatını qarşılayır
21 İyun 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 İyun 2024 14:49