10 İyul 2023 09:35
“İcbari tibbi sığorta haqqında əhalinin maarifləndirilməsi” layihəsinin qalibləri elan edilib
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin 2023-cü il kiçik qrant müsabiqəsində “İcbari tibbi sığorta haqqında əhalinin maarifləndirilməsi” mövzusu üzrə 5 qeyri-hökumət təşkilatı (QHT) qalib olub. Qalib gəlmiş QHT-lər “Pediatrik Kardiologiya və Revmatologiya”, “Eşitmə və Nitq Məhdudiyyətli Şəxslərə Sosial Yardım”, “Əlilliyi Olan Şəxslərin Sosial Müdafiəsinə və İnteqrasiyasına Dəstək, ““Optimist” Sosial Problemlərin Həllinə Yardım” və “Regionların Sosial İqtisadi İnkişafına Dəstək” ictimai birlikləridir.
Layihələrin əsas fəaliyyət istiqaməti regionlarda icbari tibbi sığorta haqqında əhalinin maarifləndirilməsi üzrə işlərin aparılmasıdır. Müvafiq regionlarda aparılan maarifləndirmə tədbirləri çərçivəsində əhali icbari tibbi sığortanın təminata aldığı tibbi xidmətlərdən istifadə qaydası, Xidmətlər Zərfi, dövlət və özəl tibb müəssisələrində sığortadan yararlanmaq, göndərişlərin verilməsi qaydası və digər bu kimi mövzular barədə məlumatlandırılacaq.
İcbari Tibbi Sığorta üzrə Dövlət Agentliyi (Agentlik) qalib gəlmiş hər bir ictimai birliyi təbrik edir və onlara layihənin həyata keçirilməsində uğurlar arzulayır. Agentlik öz növbəsində əhaliyə ötürüləcək informasiyaların doğruluğunun təmin edilməsi, uğurlu nəticələrin əldə edilməsi üçün hər bir ictimai birliklə əməkdaşlığa açıqdır. Habelə keçiriləcək tədbirlərin effektivliyinin artırılması üçün ictimai birliklərin icbari tibbi sığorta haqqında təqdimat, lazımi məlumatlar, çap materialları, videoçarxlar ilə təmin edilməsi nəzərdə tutulur. Eyni zamanda QHT-lərin bu istiqamətdə fəaliyyətini əks etdirəcək məlumatların Agentliyin rəsmi saytında, sosial şəbəkə platformalarında paylaşılmasına dəstək göstəriləcək.
Əhalinin icbari tibbi sığorta ilə bağlı maarifləndirilməsində Agentliyə dəstək olan qaliblərə bir daha dərin təşəkkürümüzü bildirir və əməkdaşlığımızın davamlı olmasını arzulayırıq.
Xəbərlər
İlkin səhiyyə xidməti təkmilləşdirilir
24 Aprel 2024 10:15
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00