Yerləşdirilmə tarixi: 04.10.2016
Son müraciət tarixi: 31.12.2016
İcbari Tibbi Sığorta üzrə Dövlət Agentliyi Mingəçevir şəhərində və Yevlax rayonunda aşağıdakı vakansiyalar üzrə işçi axtarır
Azərbaycan Respublikasının Nazirlər Kabineti yanında İcbari Tibbi Sığorta üzrə Dövlət Agentliyi icbari tibbi sığortanın tətbiqini təmin edən, baza (əsas xidmətlər) zərfi çərçivəsində tibbi xidmətlərin maliyyələşdirilməsi üçün vəsaitləri özündə cəmləşdirən, səhiyyə xidmətlərinin alıcısı olan və bununla bağlı zəruri xərclərin ödənilməsini təmin edən icra hakimiyyəti orqanıdır.
İcbari Tibbi Sığorta üzrə Dövlət Agentliyi Mingəçevir və Yevlaxda Maliyyəçi, Mühasib, Həkim-koordinator, Statistik və Mütəxəssis vəzifələrinə vakant yerlər elan edir.
Maliyyəçi işinə dair
Tələblər:
- İcbari tibbi sığortaya dair qanunvericiliyin tətbiqi ilə bağlı normativ hüquqi aktların layihələrinin hazırlanmasına, təkmilləşdirilməsi və inkişafına dair təkliflərin verilməsi;
- Dövlət büdcəsindən ayrılan vəsaitlərin səmərəli istifadəsinin təşkili və koordinasiyası;
- Regionun səhiyyə qurumlarından aylıq, rüblük və illik maliyyə hesabatlarının ümumiləşdirilməsi və Agentliyin Mərkəzi aparatına təqdim edilməsi;
- Ştat heyətinin (sayının), əmək haqqı fondunun və smetanın digər maddələri üzrə təxsisatların və limitlərinin planlaşdırılması;
- Xərclərin maliyyələşdirilməsinin tənzimlənməsi;
- Regional bölməyə daxil olan müraciətlərin araşdırılmasının təmin edilməsi;
- Ali təhsil, müvafiq sahə üzrə azı 3 il iş stajı.
Mühasibat işinə dair
Tələblər:
- Regional bölmədə mühasibat uçotunu “Mühasibat uçotu haqqında” Azərbaycan Respublikası Qanununun tələblərinə uyğun qurulmasının təşkili;
- Regional bölmədə mühasibat uçotu və hesabatı işlərinə metodiki nəzarətin həyata keçirilməsi;
- Regional bölmənin aylıq, rüblük və illik fəaliyyətini əks etdirən hesabatlarının hazırlanması;
- Regional bölmədə səhiyyə qurumlarından mühasibat balansı və digər hesabatların qəbul edilməsi və icmal hesabatları (statistik, vergi, məcburi dövlət sosial sığortası və s.) Agentliyin Mərkəzi aparatına təqdim edilməsi;
- Bank əməliyyatlarının həyata keçirilməsi;
- Əsas vəsaitlərin, azqiymətli və tez köhnələn əşyaların uçotu və inventarizasiyası;
- Əmək haqqının qanunvericiliyə müvafiq olaraq hesablanmasına nəzarət;
- Hesablaşmaların (əmək haqqı, sair debitor-kreditorlarla və s.) həyata keçirilməsi;
- Regional bölməyə daxil olan müraciətlərin araşdırılması;
- Ali təhsil, müvafiq sahə üzrə azı 3 il iş stajı.
Həkim-koordinator işinə dair
Tələblər:
- İcbari tibbi sığorta növü üzrə xidməti həyata keçirəcək tibb müəssisələrinin araşdırılması və müqavilələrin imzalanması üçün tələb olunan prosedurların həyata keçirilməsi;
- Əhalinin tibbi xidmətlərə ehtiyacının qiymətləndirilməsi məqsədilə sorğuların işlənib hazırlanmasının və keçirilməsinin koordinasiya edilməsi;
- Tibb müəssisələrində standartlaşdırılmış hesabat və məlumatların toplanması sisteminin işlənib hazırlanması;
- Səhiyyə ixtisası istiqaməti üzrə ali təhsil.
Statistika işinə dair
Tələblər:
- pilot ərazilərdə epidemioloji və statistik məlumatların toplanması, tələb olunan mövzularda monitorinqin aparılması və qiymətləndirmə hesabatları layihələrinin hazırlanması;
- pilot ərazilərdə mövcud tibbi məlumatlar əsasında statistik və epidemioloji təhlillərin aparılması;
- pilot ərazilərdə tibbi məlumatların toplanılması məqsədilə metodologiyaların hazırlanması, icra edilməsi və nəticələrin təhlilinin aparılması;
- pilot ərazilərdə həyata keçirilən digər layihələrin idarə olunmasına dəstək verilməsi;
- ali təhsil, müvafiq sahə üzrə azı 1 il iş stajı.
Mütəxəssis işinə dair
- pilot ərazilərin səhiyyə, iqtisadi və sosial göstəricilərinin davamlı izlənilməsi və baş verən dəyişikliklərin təhlil olunması;
- pilot ərazilərdə səhiyyənin maliyyələşməsi sisteminin təkmilləşdirilməsi istiqamətində təhlillərin aparılmasında və həmin təhlillərin nəticələrinə dair hesabatların hazırlanmasında iştirak;
- pilot ərazilərdə icbari tibbi sığortanın fəaliyyətinə dair sorğuların keçirilməsində yaxından iştirak və nəticələrə dair hesabatın hazırlanması;
- pilot ərazilərdə icbari tibbi sığortanın fəaliyyətinə dair tibbi xidmət təchizatçılarının işinin, büdcə vəsaitləri və maliyyə idarəetmə vəziyyətinə dair məlumatların toplanılması, təhlil edilməsi və hesabatın hazırlanması;
- Sığorta əməliyyatlarının həyata keçirilməsi (pilot ərazidə əhalinin qeydiyyata alınması, sığorta olunması);
- ali təhsil, sığorta işində minimum 6 ay təcrübə.
Maraqlananlar tərcümeyi hallarını 31 dekabr 2016-cı il tarixinədək elektron poçt vasitəsilə müraciət edilən vəzifənin adını göstərməklə hr@its.gov.az ünvanına göndərə bilərlər.Əlavə məlumat üçün əlaqə nömrələri: (012) 310-07-70/ 5004, 5006
Qeyd: Yalnız müsahibəyə dəvət alacaq namizədlərlə əlaqə saxlanılacaqdır.
Vakansiyalar
Agentlik İctimaiyyətlə əlaqələr şöbəsinə vakansiya elan edir
16 Aprel 2024 09:53
Agentlik Layihələrin idarəolunması şöbəsinə vakansiya elan edir
11 Mart 2024 15:19
Agentlik Təchizat və satınalma şöbəsinə mütəxəssis vakansiyasını elan edir
11 Mart 2024 15:18
Agentlik Təchizat və satınalma şöbəsinə məsləhətçisi vakansiyası elan edir
11 Mart 2024 15:16
Agentlik Səhiyyə iqtisadiyyatı şöbəsinə vakansiya elan edir
05 Mart 2024 17:30
Agentlik Təsərrüfat və texniki xidmət şöbəsinə vakansiya elan edir
29 Fevral 2024 10:00
Agentlik qrafik dizayner vakansiyası elan edir
28 Fevral 2024 17:54
Agentlik Özəl tibb müəssisələrinin ekspertizası şöbəsinə vakansiya elan edir
26 Fevral 2024 12:40
Agentlik İnsan resursları mütəxəssisi (biznes səfərlərin təşkili üzrə) vakansiyasını elan edir
11 Fevral 2024 14:41
Agentlik Statistika və hesabatlar şöbəsinə vakansiya elan edilir
25 Yanvar 2024 15:04