24 Aprel 2018 16:40
Pilot ərazilərdə yeni doğulmuşlara qulluq sahəsi üzrə çalışan tibb işçiləri üçün praktik təlim təşkil olunub
İcbari Tibbi Sığorta üzrə Dövlət Agentliyi əhalinin sağlamlığının qorunması və tibbi xidmətlərin keyfiyyətinin yaxşılaşdırılması məqsədilə 24 aprel 2018-ci il tarixində qurumun tabeçiliyinə verilən tibb müəssisələrində yeni doğulmuşlara qulluq sahəsi üzrə çalışan tibb işçiləri üçün praktik təlim təşkil edib. Mingəçevir şəhər Mərkəzi Xəstəxanasında təşkil edilən praktik təlimdə adıçəkilən xəstəxanada, eləcə də Yevlax və Ağdaş rayon Mərkəzi Xəstəxanalarında işləyən 20 həkim-neonatoloq və orta tibb işçisi iştirak edib.
Təlim Azərbaycan Respublikası Səhiyyə Nazirliyinin Elmi-Tədqiqat Mamalıq və Ginekologiya İnstitutunun əməkdaşı, neonatologiya bölməsinin baş elmi işçisi, tibb üzrə f.d. Züleyxa Mikayılova və institutun digər əməkdaşı neonatologiya bölməsinin elmi işçisi, pediatr Dinara Dadaşova tərəfindən keçirilmişdir. Təlim materialları Azərbaycan Respublikası Səhiyyə Nazirliyinin tövsiyələrinə əsasən tərtib edilmişdir.
Təlim zamanı iştirakçılar sağlam yeni doğulmuş uşağa ilkin baxış və qulluq, yeni doğulmuşların ilkin reanimasiyası tədbirləri, ağciyərlərinin köməkçi ventilyasiyası, ürəyin xarici masajı, vaxtından əvvəl doğulmuş körpələrə xüsusi qayğı və qulluq qaydaları, kuvez və digər tibbi avadanlıqlardan düzgün istifadə qaydaları sahəsində öz bilik və bacarıqlarını artırıblar.
Təlimdə neonatologiyada istifadə edilən müasir texnologiyalar, yeni doğulmuşlarda tez-tez rast gəlinən xəstəliklər, xüsusilə də təcili və təxirəsalınmaz halların erkən diaqnostikası, müalicəsi və profilaktikasına dair müasir yanaşmalar haqqında məlumat verilmiş, tibb işçilərinin praktiki bacarıqlarını artırmaq və təkmilləşdirmək məqsədilə praktiki təcrübə aparılmışdır.
Məlumat üçün bildirək ki, pilot tibb müəssisələrində çalışan tibb işçiləri ötən həftə Respublika Perinatal Mərkəzində Səhiyyə Nazirliyinin, ÜST və BMT-nin Əhali Fondunun birlikdə təşkil etdiyi “Doğuşda ana ölümü ilə nəticələnməyən kritik halların təhlili” mövzusunda keçirilən təlimdə də iştirak ediblər.
Xəbərlər
Zaur Əliyev Mingəçevir şəhərində vətəndaşları qəbul edib
27 Yanvar 2023 17:16
Cəlilabad rayonunda yerləşən dövlət tibb müəssisələrinə media-tur təşkil olunub
25 Yanvar 2023 17:11
“Heydər Əliyev – icbari tibbi sığorta haqqında qanunun banisi kimi” mövzusunda tədbir keçirilib
25 Yanvar 2023 16:35
BMT-nin “Uşaq hüquqları haqqında Konvensiyası” üzrə beşinci və altıncı birgə dövri məruzəsinin təqdimatı keçirilib
24 Yanvar 2023 17:00
“Laboratoriya analizlərinin nəticələri” adlı elektron xidmətin əhatə dairəsi genişləndirilib
19 Yanvar 2023 16:19
Agentliyin maarifləndirmə kampaniyası uğurla icra olunub
18 Yanvar 2023 15:30
TƏBİB-in tibb müəssisələrində çalışan ictimaiyyətlə əlaqələr üzrə mütəxəssislər üçün kommunikasiya təlimi keçirilib
27 Dekabr 2022 11:35
Zaur Əliyev Şamaxı rayonunda vətəndaşları qəbul edib
23 Dekabr 2022 17:30
Media və QHT nümayəndələri icbari tibbi sığorta haqqında məlumatlandırılıb
21 Dekabr 2022 17:25
2022-ci ilin ilk 11 ayı ərzində icbari tibbi sığorta çərçivəsində 40 milyondan çox tibbi xidmət göstərilib
21 Dekabr 2022 16:45