06 Dekabr 2019 16:06

Tibb işçiləri üçün “Qeyri-infeksion xəstəliklərin idarəolunması” mövzusunda təlimlər yekunlaşıb

SİYƏZƏN, 6 dekabr 2019 – Ümumdünya Səhiyyə Təşkilatı (ÜST), Səhiyyə Nazirliyi və İcbari Tibbi Sığorta üzrə Dövlət Agentliyinin birgə təşkilatçılığı ilə Sumqayıt şəhərində və Siyəzən rayonunda fəaliyyət göstərən tibb müəssisələrinin 65 həkim və orta tibb heyəti üçün keçirilən təlimlər bu gün başa çatıb. 
“Qeyri-infeksion xəstəliklərin idarəolunması” mövzusunda dörd gün ərzində davam etmiş təlimlərin əsas məqsədi ilkin səhiyyə xidməti çərçivəsində qeyri-infeksion xəstəliklərin diaqnostikası, müalicəsi və profilaktikası, xüsusilə hipertoniya və şəkərli diabetlə bağlı tibb işçilərinin bilik və təcrübələrinin artırılması idi. Qeyri-infeksion xəstəliklərə nəzarət məqsədilə lazımi tibbi alətlərdən istifadə etmək bacarıqlarının təkmilləşdirilməsi də təlimin əsas vəzifələrindən olub. 
Təlimlər Əziz Əliyev adına Azərbaycan Dövlət Həkimləri Təkmilləşdirmə İnstitutunun, Azərbaycan Tibb Universitetinin mütəxəssisləri və Türkiyə Respublikasından dəvət olunmuş ekspertlər tərəfindən aparılıb. 
İştirakçılar qeyri-infeksion xəstəliklərin ilkin səhiyyə xidməti səviyyəsində idarəolunması üzrə məlumatlandırılıblar. ÜST iştirakçıları stetoskop, tonometr və qlükometrlərlə təmin edib. Təlim ÜST-nin həyata keçirdiyi ilkin səhiyyə xidmətinin gücləndirilməsi layihəsinin əsas komponentlərindən biridir.
İlkin səhiyyə xidməti səhiyyə xərclərinin səmərəliliyinin artırılması məqsədi ilə beynəlxalq təcrübədə geniş tətbiq edilən və effektivliyi sübut olunmuş strategiyadır. Əhalinin sağlamlığının qorunmasında böyük rol oynayan ilkin səhiyyə xidməti icbari tibbi sığorta sisteminin inkişafına təkan verən vacib sahədir.  

 

Xəbərlər

Agentlik koronavirus pandemiyası ilə mübarizədə iştirak edən tibb və qeyri-tibb işçilərinə iyun ayı üzrə 18 milyon manat müddətli əlavə ödəyib

05 Avqust 2020 13:59

Türkiyədən dəvət olunmuş tibb mütəxəssisləri Azərbaycanda koronaviruslu xəstələrin müalicəsinə cəlb olunublar

28 İyul 2020 12:31

İcbari Tibbi Sığorta üzrə Dövlət Agentliyinin məlumatı

26 İyul 2020 23:05

İcbari tibbi sığortanın tətbiq edildiyi 23 inzibati ərazidə 5 452 520 tibbi xidmət göstərilib

03 İyul 2020 11:45

Agentlik koronavirus pandemiyası ilə mübarizədə iştirak edən tibb və qeyri-tibb işçilərinə may ayı üzrə iş vaxtına mütənasib 13.7 milyon manat müddətli əlavə ödəyib

23 İyun 2020 00:04

İcbari Tibbi Sığorta üzrə Dövlət Agentliyi tərəfindən ölkəyə 41 təcili tibbi yardım avtomobili və Ambulans-Perinatal gətirilib

18 İyun 2020 15:29

İcbari Tibbi Sığorta üzrə Dövlət Agentliyi sərnişinlərin COVID-19 testini verməsi üçün elektron xidmət istifadəyə verib

16 İyun 2020 11:01

İcbari tibbi sığortanın tətbiq edildiyi 23 inzibati ərazidə 4 585 307 tibbi xidmət göstərilib

08 İyun 2020 12:08

Agentlik koronavirus pandemiyası ilə mübarizədə iştirak edən 11 707 tibb və qeyri-tibb işçisinə aprel ayı üzrə iş vaxtına mütənasib 13.1 milyon manat müddətli əlavə ödəyib

01 İyun 2020 09:51

“Xəzər regionunda COVID-19: Səhiyyə siyasətinə təsir” adlı onlayn konfrans keçirilib

28 May 2020 12:30