24 Dekabr 2019 15:16

“Yenidoğulmuşların reanimasiya şöbələrindəki avadanlıqlardan istifadə qaydasının təkmilləşdirilməsi” mövzusunda təlimlər yekunlaşıb

Cari ilin noyabr və dekabr ayları ərzində Ümumdünya Səhiyyə Təşkilatının (ÜST), Səhiyyə Nazirliyinin və İcbari Tibbi Sığorta üzrə Dövlət Agentliyinin birgə təşkilatçılığı ilə “Yenidoğulmuşların reanimasiya şöbələrindəki avadanlıqlardan istifadə qaydasının təkmilləşdirilməsi” mövzusunda regionlarda keçirilmiş təlimlər başa çatıb. Təlimlər Mingəçevir, Lənkəran və Şirvan şəhərləri, habelə Qazax, Tovuz, Şəki, Zaqatala, Qax, Neftçala və Sabirabad rayonlarında keçirilib. Təlimlərə qeyd olunan regionların tibb müəssisələrində çalışan həkim-neonatoloqlar və tibb bacıları ilə yanaşı, Masallı, Lerik, Qəbələ, Saatlı, Zərdab, Hacıqabul, İmişli, Beyləqan və Ağcabədi rayonlarında müvafiq sahə üzrə fəaliyyət göstərən tibb işçiləri də qatılıb.

Təlimlər yenidoğulmuşlara vaxtında, keyfiyyətli, ardıcıl ilkin və reanimasiya yardımının göstərilməsi, həyati vacib orqan və sistemlərin funksiyalarının bərpası ilə bağlı metodik tövsiyələrin verilməsi, o cümlədən tibbi avadanlıqlardan düzgün istifadə qaydalarının öyrədilməsi məqsədi ilə keçirilib. Təlimçilər qismində Azərbaycan Respublikası Səhiyyə Nazirliyinin Tibbi yardımın təşkili şöbəsinin müdir müavini Nərgiz Şərifova, nazirliyin Neonatoloji xidmətin təkmilləşdirilməsi üzrə xüsusi komissiyasının sədri, baş neonatoloq Rüstəm Hüseynov, Elmi-Tədqiqat Mamalıq və Ginekologiya İnstitutunun Yenidoğulmuşların reanimasiya şöbəsinin mütəxəssisi Aynur Bağırova çıxış ediblər.

Təlim müddətində iştirakçılara ana südü ilə qidalandırmanın üstünlükləri, qidalandırma zamanı yaranan çətinliklərin həlli yolları, o cümlədən neonatal reanimasiyada tibbi avadanlığın istifadəsi barədə məlumat verilib. Bununla yanaşı, tibb heyətinin sözügedən avadanlıqlardan istifadə bacarıqlarını artırmaq və təkmilləşdirmək məqsədi ilə təcrübi məşğələlər keçirilib.

Qeyd edək ki, təlimlər ÜST-nin həyata keçirdiyi ilkin səhiyyə xidmətinin gücləndirilməsi layihəsi çərçivəsində keçirilib. İlkin səhiyyə xidməti səhiyyə xərclərinin səmərəliliyinin artırılması məqsədi ilə beynəlxalq təcrübədə geniş tətbiq edilir və effektivliyi sübut olunub. Əhalinin sağlamlığının qorunmasında böyük rol oynayan ilkin səhiyyə xidməti icbari tibbi sığorta sisteminin inkişafına təkan verən vacib komponentdir.  

Xəbərlər

İcbari tibbi sığortanın tətbiq edildiyi 23 inzibati ərazidə 5 452 520 tibbi xidmət göstərilib

03 İyul 2020 11:45

Agentlik koronavirus pandemiyası ilə mübarizədə iştirak edən tibb və qeyri-tibb işçilərinə may ayı üzrə iş vaxtına mütənasib 13.7 milyon manat müddətli əlavə ödəyib

23 İyun 2020 00:04

İcbari Tibbi Sığorta üzrə Dövlət Agentliyi tərəfindən ölkəyə 41 təcili tibbi yardım avtomobili və Ambulans-Perinatal gətirilib

18 İyun 2020 15:29

İcbari Tibbi Sığorta üzrə Dövlət Agentliyi sərnişinlərin COVID-19 testini verməsi üçün elektron xidmət istifadəyə verib

16 İyun 2020 11:01

İcbari tibbi sığortanın tətbiq edildiyi 23 inzibati ərazidə 4 585 307 tibbi xidmət göstərilib

08 İyun 2020 12:08

Agentlik koronavirus pandemiyası ilə mübarizədə iştirak edən 11 707 tibb və qeyri-tibb işçisinə aprel ayı üzrə iş vaxtına mütənasib 13.1 milyon manat müddətli əlavə ödəyib

01 İyun 2020 09:51

“Xəzər regionunda COVID-19: Səhiyyə siyasətinə təsir” adlı onlayn konfrans keçirilib

28 May 2020 12:30

Agentlik koronavirus pandemiyası ilə mübarizədə iştirak edən tibb və qeyri-tibb işçilərinə mart ayı üzrə iş vaxtına mütənasib 11.7 milyon manat müddətli əlavə ödəyib

18 May 2020 18:14

Koronavirus pandemiyası ilə mübarizəyə ayrılmış tibb müəssisələri İcbari Tibbi Sığorta üzrə Dövlət Agentliyi tərəfindən avtomatlaşdırılıb

06 May 2020 10:08

Koronavirus pandemiyası ilə mübarizədə iştirak edən tibb işçilərinə müddətli əlavələrin ödənilməsinə başlanılıb

01 May 2020 16:04