15 Noyabr 2016 16:06
Pilot ərazilərdə İcbari Tibbi Sığorta sistemi haqqında maarifləndirmə tədbirləri keçirilib
Nazirlər Kabineti yanında İcbari Tibbi Sığorta üzrə Dövlət Agentliyinin mütəxəssisləri 14-15 noyabr tarixlərində pilot ərazilərdə - Yevlax rayonunda və Mingəçevir şəhərində əhalinin İcbari Tibbi Sığorta (İTS) sistemi haqqında maarifləndirilməsi məqsədilə sakinlərlə görüşlər keçiriblər.
Yevlax rayonunda Heydər Əliyev Sarayında və Bəşir Səfəroğlu adına Xalq Teatrında tibb ictimaiyyəti, pedaqoji fəaliyyətlə məşğul olanlar, Yevlax rayonunun 48 kəndinin, 29 bələdiyyənin və 1 qəsəbənin icra nümayəndələrinin iştirakı ilə keçirilən görüşlərdə bildirilib ki, İTS-in tətbiqi tibbi xidmətlərin keyfiyyətinin yüksəldilməsinə dəstək verəcək. Səhiyyənin uzunmüddətli inkişafına nail olmaq məqsədilə bu sahədə dayanıqlı maliyyə mənbələrinin formalaşdırılması və mövcud resursların daha səmərəli istifadəsi tələb olunur.
Mingəçevirdə isə Mingəçevir Dövlət Dram Teatrında, Energetiklər klubunda, Mingəçevir Dövlət Universitetində şəhər ictimaiyyəti ilə keçirilən görüşlərdə qeyd olunub ki, İTS-in tətbiqi yeni maliyyə mənbələrinin yaradılmasına təkan verəcək.Azərbaycanda səmərəli tibbi xidmətlərin göstərilməsinə zəmanət verəcək universal və dayanıqlı tibbi sığorta modelini tətbiq etmək Agentliyin əsas prioritetidir.
Pilot ərazilərdə keçirilən tədbirlərdə İTS-in əhəmiyyəti, üstünlükləri və səhiyyədə tətbiqi haqqında təqdimatlar edilib. İTSDA-nın şöbə müdirləri Vüqar Qurbanov və İsa Əliyev, Agentliyin əməkdaşları Sadiq Mədətov və Tural Qulu sakinlərin suallarını cavablandırıblar.
Agentlik əhalinin məlumatlandırmaq məqsədilə Yevlax rayonunda və Mingəçevir şəhərində posterlər vurub.
Xəbərlər
İcbari tibbi sığorta ilə 182 000-dən artıq doğuş aparılıb
16 İyul 2024 11:10
Diz oynağının endoprotezləşməsində İsveçrə istehsalı protezlərdən istifadə olunur
12 İyul 2024 10:42
Kəskin orta otitin cərrahi müalicəsi icbari tibbi sığorta ilə qarşılanır
09 İyul 2024 11:11
Tiroidektomiya əməliyyatı icbari tibbi sığorta ilə ödənişsizdir
05 İyul 2024 10:25
İcbari tibbi sığorta ilə qasıq yırtığı açıq və laparoskopik üsulla bərpa olunur
01 İyul 2024 15:18
İcbari Tibbi Sığorta üzrə Dövlət Agentliyinin nümayəndə heyəti Yaponiyaya işgüzar səfər edib
28 İyun 2024 10:51
İcbari tibbi sığorta ilə 540 splenektomiya əməliyyatı icra olunub
24 İyun 2024 14:52
Zaur Əliyev Goranboy şəhərində vətəndaşları qəbul edib
21 İyun 2024 17:00
İcbari tibbi sığorta uşaqlığın çıxarılması əməliyyatını qarşılayır
21 İyun 2024 10:57
Agentlik, TƏBİB və Ankara Universiteti üçtərəfli anlaşma memorandumu imzaladı
14 İyun 2024 14:49