Yerləşdirilmə tarixi: 28.03.2022
Son müraciət tarixi: 15.04.2022

Agentlik TƏBİB-in Mühasibatlıq şöbəsinə vakansiya elan edir

İcbari Tibbi Sığorta üzrə Dövlət Agentliyi “Tibbi Ərazi Bölmələrini İdarəetmə Birliyi”  (TƏBİB)  Maliyyə departamentinin Mühasibatlıq şöbəsinə mütəxəssis vəzifəsi üzrə vakansiya elan edir.

Vəzifə öhdəlikləri:

• Əmək və nizam-intizam qaydalarına riayət edir;

• Müəssisənin hesablaşma hesabında olan pul vəsaitlərinin uçotu;

• Kreditlər üzrə bankla hesablaşmaların uçotu;

• İşçilərlə və təhtəl hesab şəxslərlə hesablaşmaların uçotu;

• Büdcə ilə hesablaşmaların uçotu;

• Gündəlik olaraq Malsatanlar və podratçılarla (xidmət) hesablaşmalar üzrə ödənişlərin aparılması və hesablaşma hesabından keçirilən əməliyyatlara nəzarət edilməsi;

• Hər iş gününün əvvəlinə və günün sonuna hesablaşma hesabından aparılan əməliyyatlar barədə məlumatların (müvafiq hesabatların) rəhbərliyə təqdim oluması;

• Əməliyyatların aparılması üzrə banklar tərəfindən təqdim olunan təsdiqedici sənədlərin (çıxarışların) gündəlik olaraq mühasibat proqramında əks etdirilməsi;

• Material anbarı və hazır məhsul anbarı üzrə mədaxil və məxaric, yerdəyişmə sənədlərinin müntəzəm olaraq alınması və düzgün tərtib olunduğuna, sistemə işlənildiyinə nəzarət edilməsi;

• Birbaşa rəhbərin veriləcək tapşırıqlarını icrasını təmin etmək.

Vəzifəyə dair tələblər:

• Ali təhsil - Maliyyə və audit sahəsi üzrə

• İstehsalat və ya audit şirkətində müvafiq sahə üzrə azı 1il iş təcrübəsi;

• Ofis proqramları (Excel, Powerpoint, Outlook,Word) üzrə biliklərin yüksək səviyyədə olması;  

• Müvafiq sahə üzrə biliyi təsdiq edən ACCA(FA)  sertifikatının olması zəruridir, ACCA (FR) və ACCA (DipİFR) sertifikatlarının olması arzuolunandır;

• Azərbaycan dilində səlis yazı və danışıq bacarığı (ingilis dil biliyi üstünlükdür);

• Məsuliyyətlilik;

• Peşə və ixtisası üzrə geniş nəzəri və praktik biliyə sahib olması;

• Güclü analitika və problemi təhlil etmə bacarığı;

• Dəqiqlik;

• Müstəqil və Komandada işləmə bacarığı.

Müraciət qaydası:

• Vakansiyaya son müraciət tarixi: 15.04.2022-ci il;

• CV-lər vacancy@tabib.gov.az ünvanına göndərilməlidir ^[1];

• Göstərilən tələblərə cavab verən namizədlərdən nümunəvi formaya uyğun CV-lərini mövzu yerinə “Mühasibatlıq şöbəsi üzrə mütəxəssis” yazaraq göndərmələri xahiş olunur;

• Müraciətlər nəzərdən keçirilərək, yalnız tələblərə cavab verən namizədlərlə əlaqə saxlanılacaqdır.

^[1] Qeyd: İcbari Tibbi Sığorta üzrə Dövlət Agentliyi təhlükəsizlik səbəbindən bu domenlərdən məktub qəbul etmir: yandex.ru, mail.ru, list.ru, inbox.ru, bk.ru, yahoo.com. Xahiş edirik ki, müraciətinizi başqa domenli elektron poçt ünvanlarından göndərəsiniz.