30 Mart 2022 15:00

İcbari tibbi sığorta sahəsində məlumatlılığı artırmaq məqsədilə təlim

Mədəniyyət Nazirliyinin strukturuna daxil olan qurumlarda və sturukturuna daxil olmayan tabeliyində olan qurumlarda çalışan əməkdaşlar üçün martın 30-da İcbari Tibbi Sığorta üzrə Dövlət Agentliyi (İTSDA) Marketinq və ictimaiyyətlə əlaqələr departamentinin rəhbəri Aynurə Əhmədova tərəfindən təlim keçirilib.

Təlimin məqsədi icbari tibbi sığorta sahəsində məlumatlılığı artırmaqdır.

Beynəlxalq Muğam Mərkəzində keçirilən təlimdə öncə icbari tibbi sığorta haqqında ümumi məlumat verilib. Sonra icbari tibbi sığorta haqları, xidmət zərfində yer alan tibbi xidmətlər, özəl tibb müəssisələrində sığorta çərçivəsində tibbi xidmətdən istifadə qaydaları, İTSDA-nın müqaviləsi olan özəl tibb müəssisələrinin siyahısı və icbari tibbi sığorta çərçivəsində tibbi xidmətlərin göstərilmə qaydası izah edilib.

Təlim sonunda iştirakçılarının mövzu üzrə sualları ekspert tərəfindən cavablandırılıb.

medeniyyet.az