21 Noyabr 2019 10:35
İcbari Tibbi Sığorta üzrə Dövlət Agentliyinin doqquz aylıq fəaliyyəti müzakirə olunub
İcbari Tibbi Sığorta üzrə Dövlət Agentliyində (Agentlik) qurumun 2019-cu ilin yanvar-sentyabr aylarındakı fəaliyyətinin nəticələrinə həsr olunmuş iclas keçirilib.
Agentliyin İdarə Heyətinin sədri Zaur Əliyevin rəhbərliyi ilə keçirilən iclasda icbari tibbi sığortanın tətbiq olunduğu pilot tibb müəssisələrinin (Mingəçevir şəhər, Yevlax və Ağdaş rayon Mərkəzi Xəstəxanaları) fəaliyyətlərinə dair statistik göstəricilər, sistemin ölkə üzrə tətbiqinə hazırlıq prosesi müzakirə edilib və quruma daxil olan vətəndaş müraciətlərinin mövzular və cavablandırılması üzrə bölgüsünə dair təqdimat dinlənilib.
Pilot tibb müəssisələrinin fəaliyyətləri üzrə göstəricilərə gəldikdə qeyd olunmalıdır ki, cari ilin ilk doqquz ayı ərzində xəstəxanalara 430926 müraciət daxil olub. Onların 271066-sı (62.9%) ambulator, 16713-ü (3.9%) stasionar və 102340-ı (23.7%) laboratoriya xidmətləri, 40776-sı (9.5%) isə təcili və təxirəsalınmaz tibbi yardım almaq üçün edilən müraciətlərdir. Həyati vacib-dəyəri yüksək olan xidmətlər üzrə edilən müraciətlərin sayı isə 31 olub. Ümumilikdə sözügedən tibb müəssisələri tərəfindən vətəndaşlara 1711331 sayda müxtəlif tibbi xidmət göstərilib. İcbari tibbi sığortanın baza zərfi çərçivəsində 7428 sayda cərrahi əməliyyat icra olunub.
Hesabat dövrü ərzində Agentliyə daxil olan 2379 vətəndaş müraciəti qanunvericiliyin tələblərinə uyğun şəkildə cavablandırılıb. Agentliyin rəhbərliyi tərəfindən 18, vəzifəli şəxsləri tərəfindən 175 olmaqla ümumilikdə 193 vətəndaş qəbul edilib.
Qeyd olunan dövr ərzində qurumun sosial şəbəkələrdəki səhifələrinə isə 716 vətəndaş müraciəti daxil olub. Müraciətlər dərhal cavablandırılıb və ya operativ şəkildə cavablandırılmanı təmin etmək üçün aidiyyəti struktur bölmələrə yönləndirilib.
Kütləvi informasiya vasitələri tərəfindən 9 ay ərzində 175 sayda informasiya sorğusu daxil olub. Bütün sorğuların cavablandırılması təmin olunub.
İclasın sonunda Agentliyin, qurumun tabeliyində olan struktur bölmələrin və tibb müəssisələrinin fəaliyyətlərinin təkmilləşdirilməsinə, vətəndaş məmnunluğunun daha da artırılmasına dair təklif və tövsiyələr dinlənilib, müvafiq istiqamətlər üzrə işlərin təşkili ilə bağlı tapşırıq və qərarlar verilib.
Xəbərlər
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00
İcbari tibbi sığorta ilə eşitmə qabiliyyətinin bərpası üçün 317 nəfər əməliyyat olunub
23 Fevral 2024 14:57
“1542” Çağrı mərkəzinə daxil olan zənglərin 93%-dən çoxu cavablandırılıb
22 Fevral 2024 14:34
Böyrək daşlarının kəsiksiz xaric edilməsi icbari tibbi sığortaya daxildir
20 Fevral 2024 10:45
Agentlik Kommunikasiya Strategiyasını uğurla icra edib
14 Fevral 2024 14:44
Ötən il ərzində İcbari Tibbi Sığorta üzrə Dövlət Agentliyinə 11 771 vətəndaş müraciəti daxil olub
09 Fevral 2024 11:17