01 İyun 2018 16:43
İcbari tibbi sığortanın tətbiq olunduğu pilot ərazilərdə uşaqlar üçün bayram şənlikləri təşkil olunub
1 İyun – Uşaqların Beynəlxalq Müdafiəsi Günü münasibətilə icbari tibbi sığortanın tətbiq olunduğu pilot ərazilərdə - Mingəçevir şəhər, Yevlax və Ağdaş rayon Mərkəzi Xəstəxanalarında bayram şənlikləri təşkil edilib. Uşaqları əyləndirmək məqsədilə təşkil olunan tədbirlərdə Mingəçevir Dövlət Dram teatrının və Bəşir Səfəroğlu adına “Xalq” teatrının aktyorları maraqlı proqramla çıxış ediblər.
Bayram tədbirlərində iştirak edən Mingəçevir şəhər Mərkəzi Xəstəxanasının direktoru Könül Ələkbərov, Yevlax rayon Mərkəzi Xəstəxanasının direktoru Azər İsmayılov və Ağdaş rayon Mərkəzi Xəstəxanasının direktoru Nuru Nuruyev rəhbərlik etdikləri xəstəxanada icbari tibbi sığortanın tətbiqi nəticəsində əldə olunan nailiyyətlərdən danışaraq ilk növbədə uşaqların sağlamlığının dövlətin diqqət mərkəzində olduğunu vurğulayıblar. Xəstəxana direktorları stasionarda müalicə alan uşaqlara bayram münasibətilə hədiyyələr paylayıblar.
Qeyd edək ki, Dövlət Statistika Komitəsinin məlumatına əsasən Mingəçevir şəhərində, Yevlax və Ağdaş rayonlarında əhalinin (337800 nəfər) 27%-ni (92100 nəfər) uşaqlar təşkil edir. İcbari tibbi sığorta tətbiq olunduqdan sonra pilot ərazilərdə yaşayan uşaqlar sığortadan yararlanaraq baza zərfinə daxil olan tibbi xidmətlərdən ödənişsiz olaraq istifadə edirlər.
İcbari Tibbi Sığorta üzrə Dövlət Agentliyi pilot ərazilərdə rəsmi qeydiyyatda olan və anadangəlmə ürək qüsuru ilə doğulan 8 uşağın əməliyyat olunmasını təmin edib.
Nəzərinizə çatdıraq ki, Agentlik valideynlərə pilot ərazilərdəki mərkəzi xəstəxanalarda yeni doğulmuşlara qulluq zamanı gigiyenik proseduralara riayət olunmasının və ana südünün əhəmiyyəti, körpənin düzgün əmizdirilməsi qaydaları və s. barədə məlumatı özündə əks etdirən “Uşağın sağlamlıq kitabçası”nı paylayır.
Agentlik Uşaqların Beynəlxalq Müdafiəsi Günü məqsədilə anadangəlmə ürək qüsuru ilə doğulan uşaqların əməliyyat olunaraq sağlamlıqlarına qovuşmaları barədə video çarx cəkmişdir.
Videonu bu linkdən izləyə bilərsiniz.
Xəbərlər
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23
İcbari tibbi sığorta üzrə xidmətlərin göstərildiyi Liv Bona Dea Hospitalına media-tur təşkil edilib
06 Mart 2024 17:00
Vətəndaşlara özəl tibb müəssisələrini elektron qaydada seçmək imkanı verilib
05 Mart 2024 15:55
Zaur Əliyev Abşeron rayonunda vətəndaşları qəbul edib
23 Fevral 2024 17:00