22 Dekabr 2023 09:56
Korrupsiyaya qarşı mübarizə mövzusunda təlimlər keçirilib
İcbari Tibbi Sığorta üzrə Dövlət Agentliyi (Agentlik) tərəfindən cari ilin dekabr ayında korrupsiyaya qarşı mübarizəyə yönəlmiş təlimlər keçirilib. Sözügedən təlimlər Tibbi Ərazi Bölmələrini İdarəetmə Birliyinin (TƏBİB) tabeliyindəki 22 tibb müəssisəsinin əməkdaşları üçün təşkil olunub.
Agentlik və "Şəffaflıq Azərbaycan" Korrupsiyaya Qarşı Mübarizə İctimai Birliyinin birgə əməkdaşlığı çərçivəsində keçirilən təlimlərin məqsədi tibb müəssisələrinin fəaliyyətində korrupsiyaya qarşı mübarizənin gücləndirilməsi, məsuliyyətli davranışın təşviq edilməsi, korrupsiya hüquqpozmaları və etik davranış qaydalarının pozulması hallarının yaratdığı hüquqi məsuliyyət barədə iştirakçıları məlumatlandırmaq olub. Təlimçi qismində "Şəffaflıq Azərbaycan" Korrupsiyaya Qarşı Mübarizə İctimai Birliyinin İcraçı direktoru Əliməmməd Nuriyev və “Prioritet” Sosial İqtisadi Araşdırmalar Mərkəzi İctimai Birliyinin sədri Zaur İbrahimli çıxış ediblər. 79 iştirakçının qatıldığı təlimlərdə “Korrupsiyaya qarşı mübarizə və etik davranış qaydaları” mövzusunda təqdimat nümayiş edilib.
Həmçinin sözügedən əməkdaşlıq çərçivəsində “Sağlamlığımızı korrupsiyadan birlikdə qoruyaq!” adlı flayer hazırlanıb. Flayer özündə icbari tibbi sığortadan istifadə zamanı qanun pozuntusu, neqativ hallarla üzləşən zaman vətəndaşların düzgün müraciət vasitələrindən bəhs edən məlumatları əks etdirir. Vətəndaşlara paylanılması üçün 5000-ə yaxın sayda flayer Akademik M.Ə.Mirqasımov adına Respublika Klinik Xəstəxanası, Klinik Tibbi Mərkəz, Yeni Klinika, Bakı Baş Səhiyyə Mərkəzi və Abşeron Rayon Mərkəzi Xəstəxanasına təqdim edilib, eləcə də təlimlərdə iştirakçılara paylanılıb.
Əlavə olaraq, Agentliyin 34 əməkdaşına “Antikorrupsiya davranış modelinin formalaşdırılması” mövzusunda qurumun Hüquq departamentinin nümayəndəsi tərəfindən təlim keçirilib. İştirakçılara etik davranış qaydaları, korrupsiya ilə əlaqədar hüquqpozmalar barədə müraciətə baxılması və s. məsələlər barədə məlumatlar verilib.
Qeyd edək ki, təlimlər Azərbaycan Respublikası Prezidentinin 4 aprel 2022-ci il tarixli 3199 nömrəli Sərəncamı ilə təsdiq edilmiş “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nın icrası məqsədilə təşkil edilib.
Xəbərlər
Müddətli həqiqi hərbi xidmətə çağırılanların tibbi müayinəsi ilə bağlı pilot layihəyə start verilir
30 Aprel 2024 12:15
İlkin səhiyyə xidməti təkmilləşdirilir
24 Aprel 2024 10:15
Zaur Əliyev Daşkəsən rayonunda vətəndaşları qəbul edib
22 Aprel 2024 10:52
Böyrəyin çıxarılması əməliyyatı icbari tibbi sığorta ilə qarşılanır
19 Aprel 2024 09:45
Katarakta əməliyyatı zamanı Amerika istehsalı olan linzalar icbari tibbi sığorta ilə qarşılanır
16 Aprel 2024 10:30
Agentlik tərəfindən 101 tibb müəssisəsi monitorinqlərə cəlb edilib
05 Aprel 2024 17:53
İcbari tibbi sığorta ilə transfuzioloji yardım təkmilləşdirilir
01 Aprel 2024 11:56
Zaur Əliyev Kürdəmir rayonunda vətəndaşları qəbul edib
29 Mart 2024 15:00
Təxliyə zamanı həyati təhlükəsi olanlara təcili tibbi yardım göstərməyə imkan verən yeni ambulanslar alınıb
18 Mart 2024 12:40
Qlaukomanın müayinə və müalicəsi icbari tibbi sığorta ilə qarşılanır
12 Mart 2024 12:23